यंदाच्या इंडियन प्रीमियर लीगमध्ये (Indian Premier League 2025) अनेक रोमांचक सामने पाहायला मिळत आहेत. तत्पूर्वी सोमवारी (14 एप्रिल) चेन्नईने लखनऊचा धुव्वा उडवून आपली सलग पराभवाची भिंत पाडली. या सामन्यात, बऱ्याच काळानंतर, एमएस धोनी 11 चेंडूत 4 चौकार आणि 1 षटकारासह नाबाद 26 धावा काढून परतला आणि चर्चेचा विषय बनला.
विजयासाठी 167 धावांचे लक्ष्य गाठताना धोनीने शिवम दुबेसोबत खूप महत्त्वाची भागीदारी केली. दरम्यान दुबेने आता खुलासा केला आहे की, धोनी हा या विजयामागील सूत्रधार होता आणि पंत कोणती रणनीती अवलंबेल याचा अंदाजही त्याने लावला होता. खरं तर, पंतने लेग-स्पिनर रवी बिश्नोईला षटक दिले नाही, जो शेवटी चांगली गोलंदाजी करत होता आणि धोनीने दुबेला हेच सांगितले होते, जे अखेर खरे ठरले.
शिवम दुबे (Shivam Dube) मुलाखतीत म्हणाला, “सामन्यादरम्यान, माही भाईने मला अनेक वेळा आठवण करून दिली की, बिश्नोईचे एक षटक शिल्लक होते. म्हणून मी शेवटपर्यंत थांबलो कारण तो म्हणाला होता, की जर तू शेवटपर्यंत खेळलात तर तो तुझ्या बाजूने गोलंदाजी करणार नाही. धोनी भाई वेगवान गोलंदाजांविरुद्ध चांगली फटकेबाजी करत होता आणि मीही त्याचा वापर केला. माही भाईच्या अंदाजामुळे आमचा पाठलाग खूप सोपा झाला. एकंदरीत, धोनीने जे भाकीत केले होते तेच घडले आणि पंतने बिश्नोईला शेवटचे षटक टाकायला लावले नाही.”
जिओ स्पोर्ट्सवर धोनीबद्दल बोलताना, माजी भारतीय अष्टपैलू संजय बांगर धोनीच्या शारीरिक स्थितीबद्दल आणि त्याच्या फिनिशिंग क्षमतेबद्दल म्हणाले की, “त्याच्या सर्वोत्तम शारीरिक क्षमतेत नसतानाही, धोनीने स्वतःला पुढे नेले. त्याला त्याची ताकद सापडली आणि त्याने उत्कृष्ट कामगिरी केली.”
