पुणे : भांडारकर रोड येथील विनायक नवयुग मित्र मंडळ ट्रस्टच्या वतीने दिनांक २४ सप्टेंबर रोजी रविवारी सायमलटेनिअस बुद्धिबळ स्पर्धेचे आयोजन करण्यात आले आहे. ही स्पर्धा भांडारकर रस्त्यावरील साने डेअरी चौक येथे विनायक नवयुग मित्र मंडळ ट्रस्टच्या मंडपात होणार आहे.
मंडळाच्या हीरक महोत्सवी वर्षानिमित्ताने आयोजित केलेल्या या प्रदर्शनीय सामन्यात सहभागी नवोदित ६० खेळाडू एकाच वेळी वूमन ग्रँड मास्टर ईशा करवडेसह इंटरनॅशनल मास्टर अभिषेक केळकर बरोबर खेळण्याची संधी मिळणार आहे.
मंडळाच्या वतीने दरवर्षी प्रजासत्ताक दिनानिमित्ताने जलद बुद्धिबळ स्पर्धेचे आयोजन करण्यात येते. या आधी मंडळाच्या सुवर्ण महोत्सवी वर्षानिमित्ताने घेण्यात आलेल्या सायमलटेनिअस बुद्धिबळ स्पर्धेत ग्रँडमास्टर अभिजित कुंटेचा सहभाग होता. या स्पर्धेसंदर्भात खेळाडूंनी आंतरराष्ट्रीय बुद्धिबळ पंच दीप्ती शिदोरे ९६०४७ ३७१८३ यांच्याशी संपर्क साधावा. अशी माहिती मंडळाचे अध्यक्ष दत्तात्रय फंड आणि कार्याध्यक्ष सुनील पांडे यांनी दिली. (Simultaneous chess tournament organized by Vinayak Navayug Mitra Mandal on Sunday)
महत्वाच्या बातम्या –
लक्ष्यची साथ लाभलेल्या अंतिम पंघलची जागतिक कुस्ती स्पर्धेत कांस्यपदकाची कमाई
सोपान कटके यांची एशियन गेम्स साठी रेफरी पदी निवड
