जागतिक कसोटी अजिंक्यपद स्पर्धेच्या अंतिम सामन्यानंतर भारतीय क्रिकेट संघ एक महिना क्रिकेटपासून दूर आहे. डब्ल्यूटीसी अंतिम सामन्यात ऑस्ट्रेलिया संघाने भारताला 209 धावांनी पराभवाचा धक्का दिला होता. यानंतरपासून भारतीय संघाला क्रिकेटपासून एक महिन्याचा ब्रेक मिळाला आहे. अशात, संघातील अनेक खेळाडू या सुट्ट्यांदरम्यान कुटुंबासोबत वेगवेगळ्या प्रकारे आनंद लुटत आहेत.
भारतीय संघाचा कर्णधार रोहित शर्मा (Rohit Sharma) पत्नी रितिका सजदेह (Ritika Sajdeh) आणि मुलगी समायरा (Samaira) यांच्यासोबत लंडनमध्ये आहे. इथेच रोहित कुटुंबासोबत सुट्ट्यांचा आनंद लुटत आहे. अशातच रोहितने रितिकासोबत मिळून लेकीला खूपच शानदार सरप्राईज दिले आहे. यादरम्यानच्या व्हिडिओला चाहत्यांकडून जोरदार पसंती मिळत आहे.
खरं तर, शुक्रवारी (दि. 30 जून) ‘हिटमॅन’ या नावाने ओळखल्या जाणाऱ्या रोहितने त्याच्या अधिकृत इंस्टाग्राम अकाऊंटवर एक व्हिडिओ शेअर केला आहे. या व्हिडिओत रोहित पत्नी आणि लेकीसोबत लंडनच्या रस्त्यांवर फिरताना दिसत आहे. यादरम्यान रितिका मुलीला विचारते की, तू सरप्राईजसाठी उत्सुक आहेस का? तुला माहितीये का सरप्राईज काय आहे? यावर समायरा म्हणते की, “नाही.”
https://www.instagram.com/p/CuG-qS-rwGW/
यानंतर रोहित ऍक्टिंग करत म्हणतो की, “मलाही सरप्राईजबद्दल काहीच माहिती नाही.” खरं तर, रोहित आणि रितिका (Rohit And Ritika) दोघेही मिळून समायराला ऑस्कर विजेता ‘एल्सा फ्रोझन’ हा सिनेमा पाहण्यासाठी घेऊन जात असतात. तिथे एन्ट्री करताच समायराला याबाबत समजते आणि तिची प्रतिक्रिया पाहण्यासारखी असते. यादरम्यान रोहितही मजामस्ती आणि डान्स करताना दिसतो.
विशेष म्हणजे, रोहित शर्मा आता वेस्ट इंडिज दौऱ्यावर जाणाऱ्या भारतीय संघाचे नेतृत्व करताना दिसेल. वेस्ट इंडिज विरुद्ध भारत (West Indies vs India) संघात कसोटी आणि वनडे मालिकेचे नेतृत्व रोहितकडे आहे. उभय संघात 2 कसोटी आणि 3 वनडे तसेच 5 टी20 सामन्यांची मालिका खेळली जाणार आहे. अद्याप भारताच्या टी20 संघाची घोषणा करण्यात आली नाहीये. भारताचा वेस्ट इंडिज दौरा 12 जुलैपासून सुरू होणार आहे. असे म्हटले जात आहे की, रोहित लंडनहून थेट वेस्ट इंडिजला रवाना होईल. (Skipper rohit sharma along with wife ritika gave special surprise to daughter samaira)
महत्वाच्या बातम्या-
अमेलिया-सोफीच्या शतकाच्या जोरावर न्यूझीलंडचा दमदार विजय, श्रीलंकेला 111 धावांनी पत्करावी लागली हार
जाम भारी क्रिएटिव्हिटी! चाहत्याने माचिसचे डब्बे अन् काड्यांनी बनवली विराटची रचना, व्हिडिओ पाहून कराल कौतुक
