‘या’ स्टार खेळाडूने जिंकला ‘आयसीसी इमर्जिंग प्लेयर ऑफ द इयर’ पुरस्कार..!

आंतरराष्ट्रीय क्रिकेट परिषदेने (ICC) आज (26 जानेवारी) ‘इमर्जिंग प्लेयर ऑफ द अयर’ या पुरस्काराची घोषणा केली. या पुरस्कारासाठी आयसीसीने श्रीलंकेचा प्रतिभावान खेळाडू कामिंदू मेंडिसची (Kamindu Mendis) निवड केली. कामिंदू मेंडिसला त्याच्या सातत्यपूर्ण कामगिरीसाठी 2024चा ‘इमर्जिंग प्लेयर ऑफ द इयर’ म्हणून निवडण्यात आले आहे.

मेंडिसने 2024 मध्ये सर्व फॉरमॅटमध्ये एकूण 1,451 धावा केल्या, ज्याची सरासरी 50 पेक्षा थोडी जास्त होती. तो पुरूषांच्या कसोटीत सर्वात जलद 1,000 धावा करणारा संयुक्त तिसऱ्या क्रमांकाचा खेळाडू होता आणि सर डॉन ब्रॅडमन (Don Bradman) यांच्या 13 डावांच्या रेकाॅर्डची तो बरोबरी करत होता.

कसोटी फाॅरमॅटमध्ये मेंडिसने चमकदार कामगिरी केली. त्याने फक्त 9 कसोटी सामन्यात 74.92च्या सरासरीने 1,049 धावा केल्या, ज्यामुळे तो एका कॅलेंडर वर्षात 1000 पेक्षा जास्त धावा करणाऱ्या फक्त 6 खेळाडूंपैकी एक बनला. दरम्यान त्याने 3 अर्धशतकांसह 5 शतके झळकावली.

कामिंदू मेंडिसची (Kamindu Mendis) सर्वात संस्मरणीय कामगिरी न्यूझीलंडविरुद्ध गॉल येथे झालेल्या दुसऱ्या कसोटीत झाली, जिथे त्याने पहिल्या डावात कारकिर्दीतील सर्वोत्तम 182 धावा केल्या. दरम्यान त्याने 16 चौकारांसह 4 षटकार लगावले, ज्यामुळे श्रीलंकेला 5/602 अशी मजबूत धावसंख्या उभारता आली. श्रीलंकेच्या 2-0 अशा मालिका विजयात मेंडिसने महत्त्वाची भूमिका बजावली आणि सामनावीराचा पुरस्कार देखील पटकावला.

कामिंदू मेंडिसच्या (Kamindu Mendis) आंतरराष्ट्रीय क्रिकेट कारकिर्दीबद्दल बोलायचे झाले, तर त्याने श्रीलंकेसाठी त्याने 10 कसोटी, 17 वनडे आणि 23 टी20 सामने खेळले आहेत. त्यामध्ये 10 कसोटीच्या 17 डावात त्याने 1,110 धावा केल्या आहेत. दरम्यान त्याची सरासरी 74 राहिली आहे. कसोटीत त्याने 4 अर्धशतकांसह 5 शतके झळकावली आहेत. कसोटीतील त्याची सर्वोच्च धावसंख्या नाबाद 182 आहे. 17 वनडे सामन्यात त्याने 31.27च्या सरासरीने 344 धावा केल्या आहेत. वनडेत त्याने 2 अर्धशतके झळकावली आहेत. 23 टी20 सामन्यात त्याने 381 धावा केल्या आहेत. टी20 मध्ये त्याची सर्वोच्च धावसंख्या नाबाद 65 आहे.

महत्त्वाच्या बातम्या-

संघाला मोठा धक्का, चॅम्पियन्स ट्राॅफीपूर्वी संघातून बाहेर पडला ‘हा’ खेळाडू
जसप्रीत बुमराह इंग्लंडविरुद्ध शेवटचा सामना खेळणार का? पाहा लेटेस्ट अपडेट!
गौतम गंभीर-केएल राहुलपासून ते मोहम्मद शमीपर्यंत, भारतीय क्रिकेटपटूंनी दिल्या प्रजासत्ताक दिनाच्या शुभेच्छा