स्विंगचा जादूगार जेम्स एंडरसनला इंग्लंड देशाचा सर्वात मोठा सन्मान दिला जाणार आहे. त्याला क्रिकेटमध्ये दिलेल्या योगदानासाठी नाईटहुड सन्मान दिला जाणार आहे. एंडरसन इंग्लंडसाठी सर्वात जास्त कसोटी विकेट घेणारा गोलंदाज आहे. तसेच तो जगातील क्रिकेटमध्ये सर्वात जास्त कसोटी विकेट घेणारा वेगवान गोलंदाज सुद्धा आहे, त्याने 188 सामन्यात 704 विकेट्स घेतले आहेत.
ब्रिटनचे माजी पंतप्रधान ऋषी सुनक यांनी त्यांचं पद सोडण्यावेळी काही पुरस्कारांची नावे घोषित केली होती. यावेळी त्यांनी नाईटहूड सन्मानासाठी वेगवान गोलंदाज जेम्स एंडरसन याचं नाव सामील केलं. एंडरसनने काही काळ आधीच आंतरराष्ट्रीय क्रिकेट मधून निवृत्ती घेतली आहे.
इंग्लंड क्रिकेट संघाचा माजी कर्णधार एलिस्टियर कुक आणि एंड्रयू स्ट्रॉस यांना देखील हा सन्मान मिळाला आहे. जेम्स एंडरसन इंग्लंडचा 13 वा खेळाडू आहे, ज्याला नाईट हूड सन्मानाने सन्मानित करण्यात येणार आहे. त्याच्या आधी इयान बॉथम (2007), बॉयकॉट (2019), कुक (2019) आणि स्ट्रॉस (2019) यांना नाईटहुड सम्मान मिळाला आहे.
42 वर्षांचा जेम्स एंडरसनने इंग्लंड संघासाठी 188 कसोटी 194 वनडे आणि 19 आंतरराष्ट्रीय टी-20 सामने खेळले आहेत. यामध्ये कसोटीत 704 वनडे मध्ये 269 आणि टी20 मध्ये 18 विकेट्स घेतल्या आहेत. त्याने फक्त गोलंदाजीतच नव्हे तर फलंदाजी मध्ये सुद्धा महत्त्वाचे योगदान दिले आहे. त्याने तिन्ही फॉरमॅटमध्ये 1627 धावा केल्या आहेत. त्याने कसोटी क्रिकेटमध्ये 32 वेळा 5 विकेट हॉल आणि तीन वेळा 10 विकेट हॉल केलं आहे. तसेच वनडे मध्ये सुद्धा 2 वेळा 5 विकेट हॉल केलं आहे.
एंडरसन (704) कसोटी क्रिकेटमध्ये सर्वात जास्त विकेट घेणारा तिसरा गोलंदाज आहे. या यादीत पहिल्या स्थानी श्रीलंकाचा मुथैया मुरलीधरन (800) आहे, तसेच दुसऱ्या स्थानी दिवंगत शेन वार्न (708) आहे.
दिग्गज गोलंदाज जेम्स एंडरसनने भारतामध्ये सुरू असलेल्या इंडियन प्रीमियर लीग अठराव्या हंगामासाठी मेगा लिलावात त्याचे नाव रजिस्टर केले होते. पण कोणत्याही संघाने त्याला खरेदी करण्यासाठी रस दाखवला नाही. तसेच त्याने त्याची बेस प्राईज 1.25 करोड ठेवली होती.
