कहर! आयपीएल २०२०मध्ये ‘त्याची’ एक धाव संघाला पडली तब्बल १० लाखांना

आयपीएल २०२० चा हंगाम आता शेवटच्या टप्प्यात आला आहे. यातील केवळ क्वॉलिफायर २ आणि अंतिम असे केवळ २ सामने राहिले आहेत. या हंगामात अनेक स्वदेशी आणि परदेशी खेळाडूंनी चांगली कामगिरी केली. परंतु काही खेळाडू असे होते, ज्यांना करोडो रुपये देऊन संघात सामील केले. परंतु त्यांना चमकदार कामगिरी करता आली नाही.

लिलावात ६२ खेळाडूंना संघात केले सामील

मागील वर्षी डिसेंबर २०१९ मध्ये आयपीएल २०२० साठीचा लिलाव पार पडला. या लिलावात तब्बल ६२ खेळाडूंना आयपीएलमधील ८ फ्रँचायझी संघांनी आपल्या ताफ्यात सामील केले. परंतु सर्वात महागडे ठरलेले गोलंदाज हे केवळ ५ आहेत. त्यांना भल्या मोठ्या रकमेत संघात घेतले, पण कामगिरीच्या बाबतीत ते सपशेल फ्लॉप ठरले.

ग्लेन मॅक्सवेलसाठी मोजले होते १०.७५ कोटी

आयपीएल इतिहासात एकदाही विजेतेपद न पटकावणाऱ्या किंग्ज इलेव्हन पंजाबने मोठ्या आशेने अष्टपैलू ग्लेन मॅक्सवेलला १०.७५ कोटी रुपयांना संघात घेतले होते. परंतु त्याने आपल्या कामगिरीने संघाला निराश केले. त्याची मागील कामगिरी पाहून संघाने इतके सारे रुपये त्याच्यासाठी मोजले होते.

ठोकला नाही एकही षटकार

आपल्या मोठ- मोठ्या गगनचुंबी षटकारांसाठी प्रसिद्ध असलेला ग्लेन मॅक्सवेलची बॅट यावर्षी गपगार होती. त्याला संपूर्ण हंगामात एकही षटकार ठोकता आला नाही.

केल्या फक्त १०८ धावा

मॅक्सवेलने या हंगामात १३ सामने खेळले. सुरुवातीपासूनच त्याला चांगली फटकेबाजी करता आली नाही. हे सामने खेळताना त्याने केवळ १५.४२ च्या सरासरीने आणि १०१.८८ च्या स्ट्राईक रेटने १०८ धावा केल्या. १० कोटी ७५ लाख रुपयांना लिलावत संघात घेतलेल्या या खेळाडूची एक धाव किंग्ज इलेव्हन पंजाबला तब्बल ९ लाख ९५ हजारांना पडली आहे.

१३ सामन्यात फक्त ३ विकेट्स

मॅक्सवेल आपल्या गोलंदाजीतही सपशेल फ्लॉप ठरला. त्याने १३ सामन्यात गोलंदाजी करताना तब्बल ५६.३३ च्या सरासरीने १६९ धावा देत केवळ ३ विकेट्स घेतल्या.

इतर महागडे गोलंदाज