‘बॅजबॉल’ शब्दाचा ‘कॉलिन्स डिक्शनरी’मध्ये समावेश, ऑस्ट्रेलियन फलंदाज म्हणाला, ‘”हा मूर्खपणा…’

कसोटी क्रिकेटला रंजक आणि रोमांचक बनवण्यासाठी इंग्लंड क्रिकेट संघाने आक्रमक वृत्तीने खेळायला सुरुवात केली, ज्याला ‘बॅजबॉल’ असे नाव देण्यात आले. हा शब्द गेल्या काही काळापासून चर्चेत आहे. न्यूझीलंडचा माजी फलंदाज ब्रेंडन मॅक्युलमला इंग्लंड कसोटी संघाचे प्रशिक्षक बनवल्यापासूनच या शब्दाचा उगम झाला. त्याचे आडनाव देखील ‘बॅज’ आहे जे सर्वांना माहीत नाही.

या वर्षीच्या अॅशेस मालिकेदरम्यान बॅजबॉल हा शब्द खूप वापरला गेला. सुरुवातीला 0-2 ने पिछाडीवर पडल्यानंतर इंग्लंडने मालिका शेवटी 2-2 अशी बरोबरीत सोडवली. मीडिया रिपोर्ट्सनुसार ‘कॉलिन्स डिक्शनरी’मध्ये बेसबॉलचा समावेश करण्यात आला आहे. गेल्या एका वर्षात या शब्दाचा वापर 400% वाढला आहे. हार्परकॉलिन्सने 2023 वर्षातील 10 सर्वात महत्त्वाच्या नवीन शब्दांपैकी एक म्हणून त्याची निवड केली आहे. शब्दकोशात बॅजबॉलचा अर्थ असा आहे. ‘कसोटी क्रिकेटची एक शैली ज्यामध्ये फलंदाजी करणारा संघ अतिशय आक्रमक वृत्तीने खेळतो.’

मार्नस लाबुशेन (Marnus Labuschagne) याने देखील बॅजबॉल शब्दाचा कॉलिन्स डिक्शनरी’मध्ये समावेश करण्यावर आपली प्रतिक्रिया दिली, ज्याचा व्हिडिओ क्रिकेट डाॅट काॅमने ट्विटरवर शेअर केला आहे. व्हिडीओमध्ये त्याला विचारण्यात आले की, कॉलिन्स डिक्शनरीमध्ये बॅजबॉलला स्थान मिळाले आहे हे तुम्हाला माहिती आहे का? याला प्रत्युत्तर देताना ऑस्ट्रेलियन फलंदाज म्हणाला, “नाही, मला खरंच याबद्दल माहिती नाही.”

त्यानंतर त्याला विचारण्यात आले की, बॅजबॉल कॉलिन्स डिक्शनरीमध्ये पाहिल्यानंतर तुम्हाला आश्चर्य वाटेल का? “हा मूर्खपणा आहे,” लाबुशेन म्हणाला, “तुम्ही लोक कशाबद्दल बोलत आहात हे मला माहीत नाही.”

'Bazball' in the dictionary? 📖🤔

#CWC23 pic.twitter.com/tlAdju5qVn

— cricket.com.au (@cricketcomau) November 1, 2023

विशेष म्हणजे इंग्लंड संघ सध्या विश्वचषक 2023 मध्ये खेळत आहे, ज्यामध्ये त्यांची कामगिरी खूपच लाजिरवाणी राहिली आहे. आतापर्यंत खेळलेल्या सहापैकी पाच सामन्यांत त्यांना पराभवाचा सामना करावा लागला आहे. जोस बटलरचा संघ उपांत्य फेरीच्या शर्यतीतून जवळपास बाहेर पडल्याचे दिसत आहे. (The word baseball was included in the Collins Dictionary the Australian batsman said This nonsense)

म्हत्वाच्या बातम्या

गिलच्या विकेटनंतर झाला साराचा मूड ऑफ! सचिनच्या लेकीचा व्हिडिओ तुफान व्हायरल

अर्रर्र! वानखेडेत ‘एवढ्या’ धावांनी हुकले शुबमनचे शतक, ‘त्याने’च घेतली विकेट