यंदाच्या आयपीएल हंगामातील 52वा सामना आज (3 मे) रोजी चेन्नई सुपर किंग्ज विरूद्ध राॅयल चॅलेंजर्स बंगळुरू (CSK vs RCB) संघात खेळला जाणार आहे. दरम्यान दोन्ही संघ बंगळुरूच्या एम चिन्नास्वामी स्टेडियमवर आमने-सामने असतील. आजचा सामना जिंकून आरसीबी 16 गुण मिळवून टॉप-2 मध्ये पोहोचण्याचा प्रयत्न करेल. पण आरसीबीच्या प्रयत्नांना धक्का बसू शकतो. कारण चिन्नास्वामी स्टेडियममधील या सामन्यावर पावसाचा धोका निर्माण झाला आहे.
आयपीएल 2024च्या हाय-व्होल्टेज सामन्यानंतर, बंगळुरूमध्ये आरसीबी आणि सीएसके आमने-सामने येण्याची ही पहिलीच वेळ आहे, ज्यामध्ये आरसीबीने 27 धावांनी विजय मिळवला आणि प्लेऑफमध्ये प्रवेश केला, या हंगामात दोन्ही संघांमधील पहिला सामना चेन्नईमध्ये खेळला गेला, ज्यामध्ये आरसीबीने 50 धावांनी शानदार विजय मिळवला.
गेल्या 2 दिवसांपासून बंगळुरूमध्ये सतत पाऊस पडत आहे आणि सामन्याच्या दिवशीही तो सुरूच राहण्याची शक्यता आहे. शनिवारी 70% पावसाची शक्यता आहे आणि भारतीय हवामान विभागाने (IMD) (3 मे) रोजी “दुपार किंवा संध्याकाळी मेघगर्जनेसह मुसळधार पाऊस” पडण्याची शक्यता वर्तवली आहे. सामन्याच्या आदल्या दिवशी दोन्ही संघांच्या सराव सत्रांवरही हवामानाचा परिणाम झाला, सीएसकेने दुपारी 3 वाजता सराव सुरू केला, परंतु अवघ्या 45 मिनिटांत पाऊस सुरू झाला, त्यानंतर खेळाडू 4:30 वाजता पुन्हा सरावासाठी परतले.
आरसीबीने सायंकाळी 5 वाजता त्यांचे सराव सत्र सुरू केले, विराट कोहली आणि देवदत्त पडिकल यांनी सुमारे 45 मिनिटे ते 1 तास फलंदाजी केली, परंतु त्यानंतर मुसळधार पाऊस सुरू झाला. यावेळी पाऊस 3 तास थांबला नाही आणि आरसीबीचे सराव सत्र रद्द करावे लागले, संध्याकाळभर मेघगर्जनेसह पाऊस पडला, ज्यामुळे शहराच्या अनेक भागात पाणी साचले.
10 सामन्यांमध्ये फक्त 2 विजयांसह, सीएसके आधीच प्लेऑफच्या शर्यतीतून बाहेर पडला आहे. दुसरीकडे, हा सामना आरसीबीसाठी खूप महत्त्वाचा आहे, ते सध्या गुणतालिकेत 7 विजय आणि 3 पराभवांसह तिसऱ्या स्थानावर आहेत. जर त्यांनी आज (3 मे) विजय मिळवला तर ते अव्वल स्थानावर पोहोचतील. या हंगामात चिन्नास्वामी स्टेडियमवर आरसीबी विरूद्ध सीएसके पंजाब किंग्ज सामन्यात देखील पाऊस पडला होता. त्यानंतर यांच्यातील सामना प्रति डाव 14 षटकांचा करण्यात आला. ज्यामध्ये पंजाबने शानदार विजय मिळवला.
