मुंबई इंडियन्सचा स्टार फलंदाज सूर्यकुमार यादव जेव्हा जेव्हा वानखेडेच्या मैदानावर उतरतो, तेव्हा त्याच्या बॅटने धावांची बरसात होते. कधी कधी तर अशी परिस्थिती येते जेव्हा विरोधी गोलंदाज त्याला आउट करण्यासाठी नाही तर त्याच्यापासून वाचण्याचा प्रयत्न करतात. असेच काहीसं वानखेडे स्टेडियममध्ये बुधवार दिल्ली विरुद्ध मुंबईच्या सामन्यात पाहायला मिळालं
या सामन्यात सूर्यकुमार यादवच्या विस्फोटक शानदार पारिने मुंबई इंडियन्सला प्लेऑफ तिकीट मिळवून दिलं. सूर्यकुमार यादवची फलंदाजी बघून माजी क्रिकेटर अजय जडेजा यांनी प्रतिक्रिया दिली आहे. त्यांनी सूर्यकुमारच्या फलंदाजीचे कौतुक केले आहे.
त्यांनी जिओ हॉटस्टार वर म्हटले की, सूर्यकुमारला माहिती होते की, त्याला काय करायचे आहे. त्याने एक बाजू सांभाळली आणि नमनला सुद्धा संधी दिली की त्याने धाडसाने त्याचे शॉट खेळावे. मला वाटते की, सूर्यकुमारने अशी अविश्वसनीय 19व्या षटकात नमन धीरने चौकार षटकारांचा पाऊस पडला दोघांनी मिळून खूप धावा लुटल्या.
जडेजा पुढे म्हणाले, दिल्लीच्या गोलंदाजांकडे कोणतेही उत्तर नव्हतं. शेवटच्या दोन षटकात मुंबईने 48 धावा केल्या. तसेच दिल्लीने 18 षटकांपर्यंत फक्त 130 धावांपर्यंत पोहचली . मुंबईने शेवटच्या दोन षटकात धावा केल्या. मला वाटते की पूर्ण सामना तिथूनच पलटला.
सूर्यकुमारने 43 चेंडूत 73 धावा केल्या, ज्यामध्ये 4 षटकार आणि 7 चौकार सामील होते. तसेच नमन धीरने 8 चेंडूत 24 धावांची पार खेळली. त्याची पारी लहान होती पण ती मुंबईसाठी महत्त्वाची ठरली. त्याच कारणाने मुंबई 180 धावसंख्या करू शकली. मुंबईसाठी बुमराह आणि सेंटनरने देखील तीन-तीन विकेट्स घेतल्या.
