दिग्गज क्रिकेटर विराट कोहलीचा (Virat Kohli) भाऊ विकास कोहलीने (Vikas Kohli) सोशल मीडियावर भारताचा माजी क्रिकेटपटू संजय मांजरेकरवर (Sanjay Manjrekar) निशाणा साधला आहे. मांजरेकरने सोशल मीडियावर रॉयल चॅलेंजर्स बंगळुरूबद्दल अशा अनेक पोस्ट केल्या आहेत, ज्या आयपीएल 2025 मध्ये चर्चेत होत्या. रॉयल चॅलेंजर्स बंगळुरू आणि मुंबई इंडियन्स (RCB vs MI) यांच्यातील सामन्यादरम्यान मांजरेकर म्हणाले की विराट आणि बुमराह यांच्यातील स्पर्धा आता ‘सर्वोत्तम विरुद्ध सर्वोत्तम’ अशी राहिलेली नाही.
मांजरेकर यांनी असा दावाही केला आहे की विराट कोहलीने त्याचे सर्वोत्तम क्रिकेट खेळले आहे. आयपीएल 2025 साठी सर्वोत्तम 10 फलंदाज निवडताना त्यांनी विराटचे नाव घेतले नाही. पण, या हंगामात विराट कोहली सर्वाधिक धावा करणाऱ्या खेळाडूंमध्ये आहे.
दरम्यान विकास कोहलीने सोशल मीडियावर माजी क्रिकेटपटूवर निशाणा साधला आणि लिहिले- “संजय मांजरेकर. करिअर वनडे स्ट्राईक रेट 64.31. 200 पेक्षा जास्त स्ट्राईक-रेटबद्दल बोलणे तर सोपे आहे.”
Virat Kohli’s brother Vikas Kohli on threads pic.twitter.com/a7FXKsODR0
— RCBIANS OFFICIAL (@RcbianOfficial) April 29, 2025
यापूर्वी, कोहलीने टी20 क्रिकेटमध्ये भागीदारीचे महत्त्व काय आहे? याबद्दल प्रतिक्रिया देखील दिली होती. विशेषतः अशा खेळपट्ट्यांवर जिथे सुरुवातीला आक्रमक फलंदाजी करणे सोपे नसते. या हंगामात आयपीएलमधील अनेक खेळपट्ट्या संथ होत्या. अशा खेळपट्ट्यांवर लवकर धावा काढणे सोपे नव्हते. फलंदाज पहिल्याच चेंडूपासून मुक्तपणे शॉट्स खेळू शकत नाहीत. पण, विराट कोहली आणि केएल राहुलसारखे फलंदाज या आव्हानात्मक खेळपट्ट्यांवर चांगले खेळताना दिसले आहेत.
यंदाच्या आयपीएल हंगामात सर्वाधिक धावा करणाऱ्या फलंदाजांच्या यादीत विराट कोहली दुसऱ्या क्रमांकावर आहे. साई सुदर्शन (456 धावा) नंतर कोहली दुसऱ्या क्रमांकावर आहे. कोहलीने आयपीएल 2025 मधील आतापर्यंत खेळल्या गेलेल्या सामन्यात (443 धावा) केल्या आहेत.
