लोकप्रिय टीव्ही मालिका ‘फ्रेंडस’बद्दल सोशल मीडियावर बऱ्याच चर्चांना उधान आले आहे. 90 च्या दशकाच्या अखेरिस आलेल्या या मालिकेने सर्वांनाच प्रभावित केले होते. 25 वर्षांनतंरही ही मालिका आजही तरुण पिढीमध्ये प्रचंड लोकप्रिय आहे. या लोकप्रिय अमेरिकन टीव्ही मालिकेच्या मुख्य कलाकार 17 वर्षांनंतर पुन्हा एकत्र आले होते. या विशेष भागाचे नाव ‘फ्रेंडस रियुनियन’ असे ठेवण्यात आले. सध्या या विशेष भागाबद्दल सर्वत्र चर्चा सुरु आहे. हा विशेष भाग गुरुवारी 27 मे रोजी प्रदर्शित झाला. त्यामुळे अनेकांनी याबद्दल प्रतिक्रिया व्यक्त केल्या.
दरम्यान, माजी भारतीय क्रिकेटपटू विनोद कांबळी यांनी फ्रेंड्स रियुनियन विषयी वेगळे मत मांडले आहे. कांबळी यांनी माजी भारतीय दिग्गज खेळाडू सचिन तेंडुलकर यांच्यासोबतचे दोन फोटो शेयर करत एक विनोदी प्रतिक्रिया दिली आहे. कांबळींनी शेअर केलेल्या फोटोंमधील एक फोटो, सचिन व त्यांच्या खेळण्याच्या दिवसांचा होता; तर दुसरा फोटो मागील काही काळात त्यांनी घेतलेल्या सेल्फीची होता. कांबळी यांनी लिहिले की, ‘रियुनियन हे लहान मुलांचे होते, दिग्गज कायम एकत्रच असतात’
Kids have Reunion
Legends stay together forever! 😉#FriendsReunion pic.twitter.com/Lc2CGwFt8h— Vinod Kambli (@vinodkambli349) May 27, 2021
कांबळी व सचिन हे दोघेही दिग्गज लहानपणापासून एकमेकांचे जिवलग मित्र आहेत. शालेय क्रिकेटमध्ये त्यांनी केलेली 665 धावांची भागीदारी ही एक मोठा विश्वविक्रम आहे. विशेष म्हणजे भारतीय संघातही या दोघांनी सोबतच क्रिकेट खेळलेले आहे. सचिन यांनी आंतरराष्ट्रीय क्रिकेटमध्ये 24 वर्षे अधिराज्य गाजवले पण कांबळी यांना मात्र दुर्दैवाने फार काळ संघात आपले स्थान टिकवून ठेवता आले नाही.
मात्र तरीदेखील हे दोन्ही दिग्गज अजुनही एकमेकांचे घनिष्ठ मित्र असून अनेकवेळा ते सोशल मीडियावर आपले फोटो शेअर करत असतात.
महत्त्वाच्या बातम्या –
पत्नीसाठी तेलुगू कॅप्शनसह वॉर्नरने केला कार्टून फोटो पोस्ट; कँडिसकडून मिळाला ‘असा’ रिप्लाय
दिग्गजाने ‘फ्रि हीट’ हटवण्याचे सुचवताच, आर अश्विनने केली ‘फ्रि बॉल’ची मागणी
सुशील पुरता फसला! निर्दयीपणे केली होती सागरला मारहाण, व्हिडिओ आला समोर
