वरिष्ठ खेळाडूंना आराम देऊन ‘या’ ५ खेळाडूंना द्यावी संधी; वीरेंद्र सेहवागने सांगितली नावे

सेहवाग म्हणाला, ‘इशान किशन, सूर्यकुमार यादव, केएल राहुल, श्रेयस अय्यर, ऋतुराज गायकवाड हे पुढील विश्वचषकात असतील. या सर्व खेळाडूंना तयार केले जाऊ शकते आणि त्यांना संधी दिली जाऊ शकते. कारण हे सर्व खेळाडू भारतीय संघाचे भविष्य आहेत. उर्वरित वरिष्ठ खेळाडूंना विश्रांती देण्यात यावी जेणेकरुन हे सर्व तरुण खेळाडू मायदेशात होणाऱ्या टी-२० मालिकेत खेळू शकतील. या सर्व खेळाडूंना अनुभव मिळेल आणि पुढील विश्वचषकासाठी स्वत:ला तयार करण्याची त्यांना संधी भेटेल.’

भारत आणि न्यूझीलंड यांच्यात तीन टी-२० आणि दोन कसोटी सामन्यांची मालिका खेळवली जाणार आहे. पहिला टी-२० सामना १७ नोव्हेंबरला, तर शेवटचा कसोटी सामना ३ ते ७ डिसेंबर दरम्यान खेळवला जाईल. या मालिकेतील सामने जयपूर, रांची, कोलकाता, कानपूर आणि मुंबई येथे होणार आहेत.

काही दिवसांपूर्वी जसप्रीत बुमराहनेही सतत बायो बबलमध्ये राहण्याबाबत सांगितले होते. ‘कधी कधी ब्रेक घेतला पाहिजे. कधी कधी तुम्हाला तुमच्या कुटुंबाची आठवण येते. तुम्ही किमान सहा महिने प्रवासात घालवता. त्यामुळे कधी कधी या सगळ्या गोष्टी तुम्हाला मानसिक थकवा देतात, पण जेव्हा तुम्ही मैदानात असता, तेव्हा तुम्ही ते लक्षात घेत नाही. अशा अनेक गोष्टी आहेत ज्यावर तुम्ही नियंत्रण ठेवू शकत नाही, स्पर्धेचे सामने कधी खेळवले जातील आणि स्पर्धेचे वेळापत्रक काय असेल. या गोष्टींचे आपण नियंत्रण करू शकत नाही, पण त्यासाठीचे योग्य नियोजन आपण करू शकतो.”

महत्त्वाच्या बातम्या-

-‘हा’ भारतीय फलंदाज मोडतो विरोधकांचे कंबरडे; माजी पाकिस्तानी दिग्गजाने गायले गोडवे

-मुजीबसाठी भारतीयांनी देव ठेवले पाण्यात; ट्विटरवर होतोय ट्रेंड

-भारताचा ‘हा’ खेळाडू म्हणतोय, “विराट बुर्ज खलिफा, तर धोनी बुर्ज अल अरब”