भारतीय संघाचा युवा अष्टपैलू खेळाडू व्यंकटेश अय्यर सध्या संघाबाहेर आहे. व्यंकटेश त्याच्या आक्रमक खेळासाठी ओळखला जातो. व्यंकटेश त्याच्या वैयक्तिक आयुष्याबद्दल फार कमी चर्चेत असतो. परंतू, आता व्यंकटेशचे नाव एका दक्षिण भारतीय अभिनेत्रीसोबत जोडले जाऊ लागले. चाहते ती त्याची गर्लफ्रेंड असल्याचे देखील सांगत आहेत.
कोण आहे व्यंकटेशची ड्रीम गर्ल?
आयपीएल २०२२ दरम्यान, व्यंकटेश अय्यर आणि दाक्षिणात्य अभिनेत्री प्रियांका जवळकर यांची चॅटिंग सोशल मीडियावर व्हायरल झाली होती. व्यंकटेश सोशल मीडियावर फारसा सक्रिय नसला तरी, या तेलुगु अभिनेत्रीच्या एका पोस्टवर त्याने कमेंट केलेली. त्याची ही कमेंट चांगलीच व्हायरल झाली होती.
https://www.instagram.com/p/CfLzHczJYrU/?igshid=YmMyMTA2M2Y=
मराठी भाषिक कुटुंबात जन्मलेली प्रियांका ही आंध्र प्रदेशची रहिवासी आहे. प्रियंकाने २०१७ मध्ये अभिनय क्षेत्रात पदार्पण केले. काला वरम आये हा त्यांचा पहिला चित्रपट होता. प्रियांकाने टॅक्सीवाला, थिमारुसु आणि एसआर कल्याणमंडपम यांसारख्या चित्रपटांमध्येही काम केले आहे. अय्यर याच्या कमेंटने दोघांच्या नात्याची चर्चा सुरू झाली होती. प्रियंकाच्या उत्तराने त्याला आणखी हवा मिळालेली. अय्यरने प्रियांकाच्या फोटोवर ‘क्यूट’ असे लिहिले होते. अय्यरच्या या कमेंटवर प्रियांकाने उत्तरात लिहिले, ‘कोण? तू?’
आयपीएलमधून कमावले नाव
व्यंकटेश अय्यरने आयपीएल २०२१ मध्ये १० सामने खेळलेले. ज्यात ४ अर्धशतकांसह ४१.११ च्या सरासरीने ३७० धावा केलेल्या. केकेआरने या युवा अष्टपैलू खेळाडूला आयपीएल २०२२ साठी ८ कोटी रुपयांमध्ये रिटेन केलेले. आयपीएल २०२१ नंतर त्याला भारतीय संघात देखील पदार्पणाची संधी मिळाली होती. हार्दिक पंड्याचा पर्याय म्हणून त्याच्याकडे पाहिले जाते. व्यंकटेश कोणत्याही क्रमांकावर फलंदाजी करू शकतो. तसेच मध्यमगती गोलंदाजी देखील करतो.
महत्त्वाच्या बातम्या-
न्यूझीलंड कर्णधाराच्या मनात निवृत्तीचा विचार? दिले स्पष्टीकरण
पहिल्या टी-२० विजयानंतर टीम इंडियाचा विशेष सन्मान, रोहितला मिळाले स्पेशल गिफ्ट
CWG 2022 | कॉमनवेल्थ गेम्समध्ये सायकलस्वारांनी सोडला ट्रॅक, पाहा भीषण अपघाताचा व्हिडिओ
