भारताला तिसरा धक्का, अष्टपैलू वॉशिंग्टन सुंदर टी२० मालिकेतून बाहेर; ‘हे’ आहे कारण

भारत विरुद्ध वेस्ट इंडिज (India vs West India) संघात १६ फेब्रुवारीपासून ३ सामन्यांची टी२० मालिका सुरू होणार आहे. ही मालिका सुरू होण्यापूर्वीच भारतीय संघाच्या अडचणी वाढताना दिसत आहेत. या मालिकेतून भारताच्या टी२० संघाचा उपकर्णधार केएल राहुल आणि फिरकीपटू अक्षर पटेल बाहेर झाले होते. दोघेही दुखापतग्रस्त झाल्याने या मालिकेला मुकणार आहेत. यानंतर भारतीय संघाला अजून एक धक्का बसला असून यावेळी भारताचा अष्टपैलू वॉशिंग्टन सुंदर हा संपूर्ण मालिकेतून बाहेर झाला आहे. त्याच्या मालिकेला मुकण्यामागचे कारणही दुखापतच आहे. 

बीसीसीआयने सोमवारी (१४ फेब्रुवारी) रात्री यासंदर्भात अधिकृत माहिती दिली आहे. बीसीसीआयने प्रसिद्ध केलेल्या अहवालानुसार, शुक्रवारी (११ फेब्रुवारी) वेस्ट इंडिजविरुद्ध नरेंद्र मोदी स्टेडियमवर तिसऱ्या वनडे सामन्यादरम्यान क्षेत्ररक्षण करत असताना वॉशिंग्टन सुंदरचा डावा हॅमस्ट्रिंग स्नायू दुखावला गेला आहे. त्यामुळे तो आगामी ३ सामन्यांच्या टी२० मालिकेत खेळू शकणार नाही. अशात वॉशिंग्टन सुंदरचा पर्यायी खेळाडू म्हणून फिरकीपटू कुलदीप यादवची निवड करण्यात आली आहे.

???? NEWS ????: Washington Sundar ruled out of @Paytm #INDvWI T20I series.

The #TeamIndia all-rounder suffered a left hamstring muscle strain during fielding in the third ODI against the West Indies played at the Narendra Modi Stadium on Friday.

More Details ????

— BCCI (@BCCI) February 14, 2022