दक्षिण आफ्रिकेने वर्ल्ड चॅम्पियनशिप ऑफ लिजेंड्स 2025 चे विजेतेपद आपल्या नावावर केले आहे. अंतिम सामन्यात प्रोटियाज संघाने पाकिस्तानचा 9 गडी राखून पराभव केला. प्रथम फलंदाजी करताना पाकिस्तानने 20 षटकांत 195 धावा केल्या. मात्र, ए.बी. डिव्हिलियर्सच्या शतकी खेळीच्या जोरावर दक्षिण आफ्रिकेने 196 धावांचं लक्ष्य केवळ 16.5 षटकांत पार केलं. डिव्हिलियर्सने 200 च्या स्ट्राइक रेटने खेळत 60 चेंडूंमध्ये नाबाद 120 धावा केल्या.
पाकिस्तानच्या पराभवावर भारताचे माजी क्रिकेटपटू सुरेश रैनाने खोचक प्रतिक्रिया दिली. त्याने ट्वीट करत लिहिलं, “फायनलमध्ये एबी डिव्हिलियर्सची कमाल खेळी, अक्षरशः धुवून काढले. आम्हीही जर खेळलो असतो, तर त्यांनाही धूळ चारली असती. पण आम्ही देशाला सगळ्यापेक्षा वर ठेवलं.”
गौरतलब आहे की इंडिया चॅम्पियन्स संघ सेमीफायनलपर्यंत पोहोचला होता, जिथे त्यांचा सामना पाकिस्तानशी होणार होता. मात्र भारतीय खेळाडूंनी पाकिस्तानविरुद्ध न खेळण्याचा निर्णय घेतला, ज्यामुळे शेजारील देशाला थेट अंतिम फेरीचे तिकीट मिळालं.
