अखेर क्रिकेट चाहत्यांची प्रतीक्षा संपली आहे. उद्यापासून (४ ऑगस्ट) बहुप्रतिक्षित भारत विरुद्ध इंग्लंड यांच्यातील ५ कसोटी सामन्यांच्या मालिकेला प्रारंभ होणार आहे. मार्च महिन्यात भारतीय संघाने इंग्लंड संघाला मायदेशात ४-१ ने पराभूत केले होते. त्यामुळे इंग्लंड संघ या पराभवाची परतफेड करण्याच्या प्रयत्नात असणार आहे. या मालिकेतील पहिला कसोटी सामना नॉटिंगमच्या ट्रेंट ब्रिजच्या मैदानावर खेळला जाणार आहे. अनेकांना प्रश्न पडला असेल की, हा सामना कुठे आणि कसा पाहता येईल? चला तर मग जाणून घेऊया.
इंग्लंड संघ जेव्हा भारतात कसोटी मालिका खेळण्यासाठी आला होता. त्यावेळी फिरकी गोलंदाजांसाठी अनुकूल असलेल्या खेळपट्टीवर इंग्लिश फलंदाजांचा टिकाव लागला नव्हता. त्यामुळे आगामी मालिकेत खेळपट्टीवर गवताचे प्रमाण जास्त असू शकते, ज्याचा फायदा इंग्लंड संघातील गोलंदाजांना होणार आहे. परंतु हे विसरून चालणार नाही की,भारतीय संघात देखील उत्कृष्ट वेगवान गोलंदाज आहेत. त्यामुळे हा सामना अटीतटीचा होईल यात काही शंका नाही.(When and where to watch thriller of first test between india vs england,click here to know)
केव्हा आणि कुठे खेळला जाईल भारत विरुद्ध इंग्लंड पहिला कसोटी सामना?
भारत विरुद्ध इंग्लंड यांच्यातील पहिला कसोटी सामना बुधवारी (४ ऑगस्ट, २०२१) रोजी खेळला जाणार आहे. हा सामना नॉटिंगमच्या ट्रेंट ब्रिज मैदानावर खेळला जाणार आहे.
किती वाजता सुरू होणार पहिला कसोटा सामना?
भारत विरुद्ध इंग्लंड यांच्यातील पहिला कसोटी सामना हा भारतीय वेळेनुसार दुपारी ३:३० वाजता सुरू होणार आहे. तसेच सामना सुरू होण्याच्या अर्धा तासपुर्वी तीन वाजता नाणेफेक केली जाणार आहे.
भारत विरुद्ध इंग्लंड पहिला कसोटी सामना टीव्हीवर कसा पाहाल?
भारत विरुद्ध इंग्लंड यांच्यातील पहिला कसोटी सामना भारतीय प्रेक्षक टिव्हीवरील सोनी स्पोर्ट्स नेटवर्कच्या सर्व चॅनलवर पाहू शकतात.
भारत विरुद्ध इंग्लंड पहिला कसोटी सामना मोबाईलवर कसा पाहाल?
भारत विरुद्ध इंग्लंड यांच्यातील कसोटी मालिकेतील पहिला कसोटी सामना मोबाईलवर लाईव्ह स्ट्रीमद्वारे सोनी लिव्ह या ॲपचा वापर करून पाहू शकतील.
यातून निवडले जातील भारताचे ११ खेळाडू
रोहित शर्मा, मयंक अगरवाल, चेतेश्वर पुजारा, विराट कोहली (कर्णधार), अजिंक्य रहाणे, हनुमा विहारी, रिषभ पंत, आर अश्विन, रविंद्र जडेजा, अक्षर पटेल, जसप्रीत बुमराह, ईशांत शर्मा, मोहम्मद शमी, मोहम्मद सिराज, शार्दुल ठाकुर, उमेश यादव, केएल राहुल, रिद्धीमान साहा, पृथ्वी शॉ, सूर्यकुमार यादव
राखीव खेळाडू : अभिमन्यू ईश्वरन, प्रसिद्ध कृष्णा, अरजन नगवासवाला
यातून निवडले जातील इंग्लंडचे ११ खेळाडू
जो रूट (कर्णधार), रोरी बर्न्स, डॉमिनिक सिबली, जोस बटलर (यष्टीरक्षक), मार्क वुड, सॅम करन, जेम्स अँडरसन, जॉनी बेअरस्टो (यष्टीरक्षक), डॉमिनिक बेस, स्टुअर्ट ब्रॉड, जॅक क्रॉली, हसीब हमीद, डॅन लॉरेन्स, जॅक लीच, ओली पोप, ओली रॉबिन्सन आणि क्रेग ओव्हरटन
महत्त्वाच्या बातम्या-
वडिलांच्या आठवणीने आजही विराट होतो भावूक; म्हणाला, ‘आज ते इथे असते तर..’
याला म्हणतात धमाकेदार पदार्पण! हंगामातील पहिल्याच चेंडूवर ‘या’ गोलंदाजाने घेतली विकेट
अगग… स्ट्राईकवरील फलंदाजानेच नॉन स्ट्राईकवरील जोडीदाराला केले ‘रनआऊट’! बघा व्हिडिओ
