इंडियन प्रीमीयर लीगचा (आयपीएल) यावर्षी १५ वा हंगाम होणार आहे. हा हंगाम अनेक अर्थांनी वेगळा असणार आहे. सर्वात महत्त्वाची गोष्ट म्हणजे या हंगामापासून आयपीएलमध्ये (IPL) ८ ऐवजी १० संघ खेळताना दिसणार आहेत. नुकताच काहीदिवसांपूर्वी गुजरात टायटन्स आणि लखनऊ सुपरजायंट्स हे दोन नवे संघ आयपीएलमध्ये सामील झाले आहेत. त्याचबरोबर या हंगामापूर्वी १२ आणि १३ फेब्रुवारी रोजी मेगा लिलाव होणार आहे.
स्टार खेळाडू होऊ शकतात करोडपती
हा लिलाव मोठा असल्याने आधीपासून स्पर्धेचा भाग असलेल्या ८ संघांना प्रत्येकी केवळ ४ खेळाडू संघात कायम करण्याची परवानगी देण्यात आली होती. तसेच नव्या दोन्ही संघांनी उर्वरित खेळाडूंमधून प्रत्येकी ३ खेळाडूंना संघात घेता येणार होते. त्यामुळे प्रत्येक संघांनी आपल्या संघात कायम ठेवलेल्या खेळाडूंची नावे जाहीर केली आहेत.
यानंतर देखील अनेक स्टार खेळाडू प्रत्येक संघातून मुक्त झालेले असल्याने लिलावात दिसणार आहेत. त्याचमुळे त्याच्यावर मोठ्या बोली देखील लागू शकतात. तसेच यंदा संघांना राईट टू मॅच कार्ड वापरण्याची परवानगी नाही.
या खेळाडूंवर असेल लक्ष
आयपीएलने या लिलावातील महत्त्वाच्या १० खेळाडूंची (मार्की) यादी यापूर्वीच जाहीर केली आहे. यामध्ये शिखर धवन, मोहम्मद शमी, फाफ डू प्लेसिस, डेव्हिड वॉर्नर, पॅट कमिन्स, श्रेयस अय्यर, आर अश्विन, कागिसो रबाडा, ट्रेंट बोल्ट आणि क्विंटन डी कॉक या खेळाडूंचा समावेश असेल. त्यामुळे आता हे खेळाडू कोणत्या संघात जातात हे पाहाणे महत्त्वाचे ठरणार आहे.
𝘽𝙞𝙜 𝙉𝙖𝙢𝙚𝙨 𝙖𝙩 𝙩𝙝𝙚 𝙈𝙚𝙜𝙖 𝘼𝙪𝙘𝙩𝙞𝙤𝙣 💪🏻
A bidding war on the cards 👍🏻 👍🏻
Here are the 1⃣0⃣ Marquee Players at the 2⃣0⃣2⃣2⃣ #IPLAuction 🔽 pic.twitter.com/lOF1hBCp8o
— IndianPremierLeague (@IPL) February 1, 2022
५०० हून अधिक खेळाडू लिलावात
यंदा आयपीएल लिलावात (IPL Auction 2022) ५९० खेळाडू सहभागी होणार आहेत. या ५९० खेळाडूंपैकी ३७० खेळाडू भारतीय असून २२० खेळाडू परदेशी आहेत. तसेच ३५५ अनकॅप खेळाडू म्हणजेच अजून आंतरराष्ट्रीय पदार्पण न झालेले खेळाडू आहेत. याबरोबरच ७ खेळाडू सहयोगी देशातील आहेत.
तसेच लिलावानंतर प्रत्येक फ्रांचायझीला आपला संघात जास्तीत जास्त २५ खेळाडूंनाच सामील करता येणार आहे. त्यामुळे आता लिलावात जास्तीत जास्त केवळ २१७ खेळाडूंवर बोली लागू शकते. यात जास्तीत जास्त ७० परदेशी खेळाडूंचा समावेश असू शकतो.
खेळाडूंच्या मुळ किंमती
लिलावात सहभागी होणाऱ्या ५९० खेळाडूंमधील ४८ खेळाडूंनी त्यांची लिलावासाठी मूळ किंमत २ कोटी रुपये ठेवली आहे. तसेच २० खेळाडूंची मूळ किंमत १.५ कोटी आहे. ३४ खेळाडूंनी १ कोटींच्या मूळ किंमतीसाठी आपले नाव नोंदवले आहे. याशिवाय ५९० खेळाडूंमधील अनेक खेळाडू ७५ लाख, ५० लाख आणि २० लाख मूळ किंमत असलेल्या यादीत आहेत.
कुठे, कधी आणि किती वाजता पाहाता येणार लिलाव?
आयपीएलचा हा लिलाव १२ आणि १३ फेब्रुवारी रोजी बंगळुरू येथे पार पडणार आहे. या लिलावाला भारतीय प्रमाणवेळेनुसार सकाळी ११ वाजता सुरुवात होणार आहे. या लिलावाचे थेट प्रक्षेपण स्टार स्पोर्ट्स चॅनेलवर पाहाता येणार आहे. तसेच ऑनलाईन प्रक्षेपण हॉटस्टार प्लस डिज्नी या ऍपवर पाहाता येईल (IPL Auction Details).
The #TATAIPLAuction 2022 is almost here, where your favourite teams’ future will be decided! This is where their road to success shall begin.
Catch every move from the mega auction:
Feb 12-13, 11 AM onwards | @StarSportsIndia & @DisneyPlusHS pic.twitter.com/ECigmZQtBN
— IndianPremierLeague (@IPL) February 8, 2022
आयपीएल लिलाव २०२२ फ्रँचायझींचा तपशील
१. चेन्नई सुपर किंग –
उर्वरित किंमत – ४८ कोटी
संघात खेळाडूंची उर्वरित जागा – २१ (परदेशी ७)
कायम केलेले खेळाडू – रविंद्र जडेजा, एमएस धोनी, मोईन अली, ऋतुराज गायकवाड
२. मुंबई इंडियन्स –
उर्वरित किंमत – ४८ कोटी
संघात खेळाडूंची उर्वरित जागा – २१ (परदेशी ७)
कायम केलेले खेळाडू – रोहित शर्मा, जसप्रीत बुमराह, सूर्यकुमार यादव, कायरन पोलार्ड
३. दिल्ली कॅपिटल्स –
उर्वरित किंमत – ४७.५ कोटी
संघात खेळाडूंची उर्वरित जागा – २१ (परदेशी ७)
कायम केलेले खेळाडू – रिषभ पंत, अक्षर पटेल, पृथ्वी शॉ, एन्रीच नॉर्किया.
४. कोलकाता नाईट रायडर्स –
उर्वरित किंमत – ४८ कोटी
संघात खेळाडूंची उर्वरित जागा – २१ (परदेशी ६)
कायम केलेले खेळाडू – आंद्रे रसेल, वरुण चक्रवर्ती, वेंकटेश अय्यर, सुनील नारायण.
५. पंजाब किंग्स –
उर्वरित किंमत – ७२ कोटी
संघात खेळाडूंची उर्वरित जागा – २३ (परदेशी ८)
कायम केलेले खेळाडू – मयंक अगरवाल, अर्शदीप सिंग
६. राजस्थान रॉयल्स –
उर्वरित किंमत – ६२ कोटी
संघात खेळाडूंची उर्वरित जागा – २२ (परदेशी ७)
कायम केलेले खेळाडू – संजू सॅमसन, जोस बटलर, यशस्वी जयस्वाल
७. सनरायझर्स हैदराबाद –
उर्वरित किंमत – ६८ कोटी
संघात खेळाडूंची उर्वरित जागा – २२ (परदेशी ७)
कायम केलेले खेळाडू – केन विलियम्सन, अब्दुल सामद, उम्रान मलिक
८. अहमदाबाद संघ –
उर्वरित किंमत – ५२ कोटी
संघात खेळाडूंची उर्वरित जागा – २२ (परदेशी ७)
कायम केलेले खेळाडू – हार्दिक पंड्या, राशिद खान, शुबमन गिल
९. लखनऊ सुपरजायंट्स –
उर्वरित किंमत – ५९ कोटी
संघात खेळाडूंची उर्वरित जागा – २२ (परदेशी ७)
कायम केलेले खेळाडू – केएल राहुल, मार्कस स्टॉयनिस, रवी बिश्नोई
१०. रॉयल चॅलेंजर्स बेंगलोर
उर्वरित किंमत – ५७ कोटी
संघात खेळाडूंची उर्वरित जागा – २२ (परदेशी ७)
कायम केलेले खेळाडू – विराट कोहली, ग्लेन मॅक्सवेल, मोहम्मद सिराज
महत्त्वाच्या बातम्या –
अजिंक्य रहाणेचा आणखी एक सनसनाटी आरोप! वनडे कारकीर्दीविषयी म्हणाला…
फलंदाजीत फ्लॉप, तरी रोहित-शिखरने रचला इतिहास! ‘असा’ कारनामा करणारी पहिलीच सलामी जोडी