Asia Cup: आशिया चषकाचा पहिला सामना (9 सप्टेंबर) रोजी होणार असून फायनल सामना 28 सप्टेंबरला खेळला जाईल. आतापर्यंत आशिया चषकाचे 16 वेळा आयोजन करण्यात आले आहे. त्यापैकी 14 वेळा ही स्पर्धा वनडे फॉरमॅटमध्ये खेळली गेली आहे, तर 2 वेळा ती टी20 फॉरमॅटमध्ये झाली आहे. 2016 आणि 2022 नंतर आता तिसऱ्यांदा आशिया चषक टी20 फॉरमॅटमध्ये खेळवला जाणार आहे. पण तुम्हाला माहीत आहे का, की या स्पर्धेत वनडे फॉरमॅटमध्ये सर्वाधिक षटकार आणि चौकार मारणारे खेळाडू कोण आहेत? चला तर मग या बातमीद्वारे आपण जाणून घेऊयात.
आशिया चषकात वनडेमध्ये सर्वाधिक षटकार मारणाऱ्या टॉप-5 फलंदाजांच्या यादीत 3 भारतीय खेळाडूंचा समावेश आहे. या यादीत भारतीय वनडे संघाचा कर्णधार रोहित शर्मा अव्वल स्थानी आहे. रोहितने आशिया चषकात 28 सामन्यांमध्ये 46.95च्या सरासरीने 939 धावा केल्या आहेत, ज्यात 81 चौकारांसह 28 षटकारांचा समावेश आहे. (Rohit Sharma Asia Cup record)
या यादीत भारतीय दिग्गज सुरेश रैनाचे नावही आहे. टी20 फॉरमॅटमध्ये सर्वाधिक षटकार मारण्याचा रेकाॅर्ड अफगाणिस्तानच्या नजीबुल्लाह जादरानच्या नावावर आहे. टी20 मध्ये सर्वाधिक षटकार मारणाऱ्या टॉप-5 फलंदाजांमध्ये रोहित शर्मा आणि विराट कोहली यांचा समावेश आहे.
आशिया कप वनडे सामन्यात सर्वाधिक षटकार: (Most sixes in Asia Cup ODI)
रोहित शर्मा – भारत (28 षटकार)
शाहिद आफ्रिदी – पाकिस्तान (26 षटकार)
सनथ जयसूर्या – श्रीलंका (23 षटकार)
सुरेश रैना – भारत (18 षटकार)
मोहम्मद नबी – अफगाणिस्तान (13 षटकार)
आशिया चषकात टी20 मध्ये सर्वाधिक षटकार (Most sixes in Asia Cup T20I)
नजीबुल्लाह जादरान – अफगाणिस्तान (13 षटकार)
रहमानुल्लाह गुरबाज – अफगाणिस्तान (12 षटकार)
रोहित शर्मा – भारत (12 षटकार)
विराट कोहली – भारत (11 षटकार)
बाबर हयात – हाँगकाँग (10 षटकार)
आशिया चषकात वनडेमध्ये सर्वाधिक चौकार मारणाऱ्या खेळाडूंमध्ये श्रीलंकेचा दिग्गज सनथ जयसूर्या अव्वल स्थानावर आहे. जयसूर्याच्या नावावर आशिया चषकात सर्वाधिक धावा करण्याचा रेकाॅर्डही आहे. या यादीत भारतीय दिग्गज सचिन तेंडुलकर आणि रोहित शर्मा यांचाही समावेश आहे. टी20 फॉरमॅटमध्ये विराट कोहली 40 चौकारांसह पहिल्या क्रमांकावर आहे (Virat Kohli Asia Cup sixes), तर दुसऱ्या स्थानावर रोहित शर्मा आहे.
आशिया चषकात वनडेमध्ये सर्वाधिक चौकार (Most fours in Asia Cup ODI)
सनथ जयसूर्या – श्रीलंका (139 चौकार)
सचिन तेंडुलकर – भारत (108 चौकार)
कुमार संगकारा – श्रीलंका (107 चौकार)
रोहित शर्मा – भारत (81 चौकार)
शोएब मलिक – पाकिस्तान (76 चौकार)
आशिया चषकात टी20 मध्ये सर्वाधिक चौकार (Asia Cup T20 stats)
विराट कोहली – भारत (40 चौकार)
रोहित शर्मा – भारत (27 चौकार)
बाबर हयात – हाँगकाँग (22 चौकार)
मोहम्मद रिझवान – पाकिस्तान (21 चौकार)
मोहम्मद उस्मान – यूएई (21 चौकार)
