नवी दिल्ली। भारतीय संघाचा माजी कर्णधार एमएस धोनीने १५ ऑगस्टला आपल्या सोशल मीडिया अकाऊंटवरून आंतरराष्ट्रीय क्रिकेटला राम राम ठोकत सर्वांनाच आश्चर्याचा धक्का दिला. धोनीच्या निवृत्तीची बातमी वणव्यासारखी पसरली आणि त्याच्याबद्दल चाहत्यांपासून ते दिग्गज व्यक्तींनी अनेकांनी शुभेच्छा तसेच आपल्या प्रतिक्रिया दिल्या. काही चाहत्यांनी त्याच्यासाठी निरोप सामना खेळण्याचीही मागणी केली, तर काहींनी त्याला २०२१ सालच्या टी२० विश्वचषकात भारतीय संघाच्या कपड्यात पाहण्याची इच्छा व्यक्त केली.
आयसीसीने नावे जाहीर केल्यानंतर चाहत्यांची आगपाखड
आपल्या शानदार कारकिर्दीला राम राम ठोकणारा धोनी जगातील एकमेव कर्णधार आहे, ज्याने आयसीसीची २००७ सालचा टी२० विश्वचषक, २०११ सालचा वनडे विश्वचषक आणि २०१३ सालची चॅम्पियन्स ट्रॉफी या तिन्ही स्पर्धांचे विजेतेपद आपल्या संघाला जिंकून दिले आहे. धोनीच्या निवृत्तीनंतर आयसीसीने ३ खेळाडूंची नावे प्रतिष्ठित हॉल ऑफ फेममध्ये सामील केली आहेत. यांमध्ये लिसा स्थळेकर, जॅक्स कॅलिस आणि झहीर अब्बास यांचा समावेश आहे. या यादीत धोनीचे नाव नसल्यामुळे त्याच्या चाहत्यांनी सोशल मीडियाच्या माध्यमातून राग व्यक्त केला आहे. परंतु आता धोनीचे नाव आयसीसीने हॉल ऑफ फेममध्ये का नाही घेतले याचे कारण समोर आले आहे.
असे होते कारण
आयसीसीच्या नियमानुसार, एक खेळाडू केवळ आपल्या निवृत्तीच्या ५ वर्षांनंतर हॉल ऑफ फेममध्ये सामील होण्यासाठी योग्य होऊ शकतो. त्याचमुळे हॉल ऑफ फेममध्ये मास्टर ब्लास्टर सचिन तेंडुलकरपूर्वी राहुल द्रविड आणि अनिल कुंबळे यांची एंट्री झाली. २०१२ मध्ये आंतरराष्ट्रीय क्रिकेटमधून निवृत्ती घेणाऱ्या द्रविडला २०१८मध्ये हॉल ऑफ फेमच्या या क्लबमध्ये सामील करण्यात आले होते.
२०२५ मध्ये होऊ शकतो सामील
सचिननेही २०१३मध्ये निवृत्ती घेतल्यामुळे २०१९ च्या हॉल ऑफ फेममध्ये स्थान मिळविले. १४ दिवसांपूर्वी निवृत्ती घेणारा धोनी २०२५ मध्ये हॉल ऑफ फेममध्ये सामील होण्यास पात्र ठरू शकतो.
विस्फोटक फलंदाज विरेंद्र सेहवाग आणि दिग्गज वेगवान गोलंदाज झहीर खान, ज्यांनी २०१५ मध्ये निवृत्ती घेतली होती. हे खेळाडू भविष्यात हॉल ऑफ फेममध्ये सामील होण्यासाठी प्रबळ दावेदार आहेत. मायकल क्लार्क, ग्रॅमी स्मिथ, कुमार संगाकारा, माहेला जयवर्धने यांसारखे परदेशी खेळाडू पुढील वर्षी या प्रतिष्ठित यादीत सामील होण्यासाठी पात्र ठरतील.
महत्त्वाच्या बातम्या-
-असा परफेक्ट फलंदाज मी तरी पाहिला नाही, गावसकरांनी केले ‘या’ क्रिकेटरचे जोरदार कौतूक
-सुरेश रैनाने माझ्यासाठी जे- जे केलं तसं दुसरं कुणी कुणासाठी करु शकत नाही
-…आणि असे एमएस धोनी कमावू लागला दिवसाला ६-७ हजार रुपये
ट्रेेंडिंग लेख-
-बापरे! तुमची लाडकी मुंबई इंडियन्स युएईत रहाते अतिशय महागड्या हॉटेलात, एका दिवसाचे भाडे…
-सीएसकेला तो कॅम्प पडला भलताच महागात, आता होऊ शकते आयपीएलमधून बाहेर?
-पुरंदरचा धुरंधर घेणार सुरेश रैनाची जागा