पुणे (24 मार्च 2024)- प्रमोशन फेरीत आज पहिला सामना मुंबई शहर विरुद्ध नंदुरबार यांच्यात झाला. दोन विजयासह नंदुरबार संघ चौथ्या स्थानावर होता तर 1 विजयासह मुंबई शहर संघ सातव्या स्थानावर होता. नंदुरबार संघाने जोरदार सुरुवात करत सामन्यात आघाडी मिळवली होती. जयेश महाजन व वरून खंडले यांनी चतुरस्त्र चढाया करत गुण मिळवत संघाला आघाडी मिळवून दिली.
मध्यांतर पूर्वी नंदुरबार संघाने मुंबई शहरला ऑल आऊट 20-09 अशी आघाडी मिळवली. मध्यंतरा नंतर राज आचार्य आक्रमक खेळ करत नंदुरबार संघाला ऑल आऊट करत पलटवार केला. शेवटची दहा मिनिट शिल्लक असताना नंदुरबार संघाकडे 25-22 अशी नाममात्र आघाडी होती. त्यानंतर नंदुरबारच्या जयेश महाजन ने सुपर रेड करत संघाची आघाडी वाढवली. त्यानंतर नंदुरबार संघाने सावध खेळ करत अखेर सामना आपल्या बाजूने केला.
नंदुरबार संघाने 41-30 अशी मुंबई शहर संघावर मात देत प्रमोशन फेरीतील तिसरा विजय मिळवला. वरून खंडले ने अष्टपैलू खेळ करत चढाईत 12 व पकडीत 2 असे एकूण 14 गुण मिळवले. जयेश महाजन ने चढाईत 11 व पकडीत 1 असे एकूण 12 गुण प्राप्त केले. तेजस राऊत ने हाय फाय पूर्ण करत पकडीत एकूण 5 गुण मिळवले. मुंबई शहर कडून राज आचार्य ने चढाईत उत्कृष्ट खेळ करत एकूण 13 गुण मिळवले मात्र आपल्या संघाला विजय मिळवून देण्यात त्यांचे प्रयत्न अपुरे पडले.
बेस्ट रेडर- राज आचार्य, मुंबई शहर
बेस्ट डिफेंडर- तेजस राऊत, नंदुरबार
कबड्डी का कमाल – वरून खंडले, नंदुरबार
महत्वाच्या बातम्या –
मोठी बातमी! रेप केसमध्ये अडकला ‘हा’ भारतीय क्रिकेटपटू, ऑस्ट्रेलियन महिलेकडून गंभीर आरोप
हिटमॅनकडून सर्वांना ‘हॅप्पी होळी!’, पाहा रोहित शर्माचा रंगांसोबत खेळतानाचा व्हिडिओ
