इंग्लंडचा स्टार अष्टपैलू क्रिकेटर बेन स्टोक्सने एकट्याच्या जीवावर इंग्लंडला कसोटी मालिकेतील दुसऱ्या सामन्यात शानदार विजय मिळवून दिला. याचबरोबर संघाने मालिकेत वेस्ट इंडिजविरुद्ध १-१ बरोबरी साधली.
पहिल्या कसोटीत व्हिलन ठरलेला स्टोक्स लगेच दुसऱ्या कसोटी सामन्यात हिरो ठरला. फलंदाजी, गोलंदाजी व क्षेत्ररक्षणात तो खऱ्या अर्थाने कसोटीत हिरो ठरला. याचमुळे या सामन्याचा तो हिरो ठरला. सध्या याच खेळाडूचे जगभरात कौतूक होत आहे.
भारतीय संघाचा माजी अष्टपैलू खेळाडू इरफान पठाणनेही स्टोक्सचे कौतूक करताना मोठे भाष्य केले आहे. ‘भारतीय संघ जर त्यांच्याकडे स्टोक्स असेल तर जगात अपराजित राहिलं’, असे भाष्य पठाणने केले आहे. पठाणने आपले हे मत ट्विटरच्या माध्यमातून मांडले आहे.
Indian cricket will be unbeatable anywhere in the world if they have a match winning all rounder like @benstokes38 #matchwinner
— Irfan Pathan (@IrfanPathan) July 21, 2020
परंतु इरफानचा हा ट्विट भारताचा माजी अष्टपैलू क्रिकेटर युवराज सिंगला विशेष आवडलेला दिसत नाही. यावर लगेच युवराजने प्रतिक्रीया दिली. “तुला असं म्हणायचं आहे का, भारताकडे सामना जिंकून देणारे अष्टपैलू खेळाडू नाहीत,” असा ट्विट युवराजने केला.
Are you saying we don’t have a all-rounder who’s a match winner ?????
— Yuvraj Singh (@YUVSTRONG12) July 21, 2020
यावर इरफानने प्रतिक्रिया देताना म्हटले, युवराज सिंग आता अधिकृतरित्या क्रिकेटमधून निवृत्त झाला आहे.
Bro Yuvraj Singh has officially retired…
— Irfan Pathan (@IrfanPathan) July 21, 2020
एकंदरीत इरफानचा नूर पाहता युवराजने सावरुन घेण्याचा प्रयत्न करत म्हटले, मला माहित होतं अशीच प्रतिक्रीया येईल. तरीही तु देखील काही कमी नव्हतास.
???? I knew that was coming ! Waise aap bhi kuch kam nahi they ! ????????
— Yuvraj Singh (@YUVSTRONG12) July 21, 2020
यावर इरफानने पुढचा ट्विट करत विषय संपवला. तु मला चांगलच ओळखतोस, असे इरफान यावर म्हणाला.
????You know me too well brother;) ????
— Irfan Pathan (@IrfanPathan) July 21, 2020
इरफान पठाणने भारताकडून २९ कसोटी, १२० वनडे व २४ टी२० सामने खेळले. त्यात त्याने चांगली अष्टपैलू कामगिरी केली तर युवराजने भारताकडून ४० कसोटी, ३०४ वनडे व ५८ टी२० सामने खेळले. युवराज भारताच्या महान अष्टपैलू खेळाडूंपैकी एक समजला जातो.
वाचा- स्टोक्स मैदानावर वेळ वाया घालवत आहे, त्यानं कोरोनाची लस शोधली पाहिजे
