मुंबई | चेन्नई सुपर किंग्ज विरुद्ध सनरायझर्स हैद्राबाद सामन्यात चेन्नईने २ विकेटने विजय मिळवला. याबरोबर त्यांनी आयपीएल २०१८ची अंतिम फेरी गाठली.
जेव्हा आयपीएल २०१८ची सुरूवात झाली होती तेव्हा याच मैदानावर चेन्नईने विजय मिळवला. तेव्हा गतविजेत्या मुंबई इंडियन्स विरुद्ध शेवटच्या ३ षटकांत ४७ धावा लागत असताना आणि केवळ ३ विकेट्स बाकी असताना चेन्नईने विजय मिळवला.
कालही चेन्नईला ३ षटाकांत ४३ धावा हव्या होत्या आणि ३ विकेट्स बाकी होत्या. तरीही चेन्नईने केन विलियमसनच्या हैद्राबादला कोणतीही संधी न देता २ विकेट्सने विजय मिळवला.
याचमुळे चेन्नई विक्रमी ७व्यांदा अंतिम फेरीत खेळत आहे. तसेच शेवटचा सामनाही चेन्नई याच मैदानावर २७मे रोजी खेळणार असल्यामुळे चाहते खुश आहेत.