आयपीएलच्या तेराव्या हंगामातील चौथा सामना मंगळवारी चेन्नई सुपर किंग्ज विरुद्ध राजस्थान रॉयल्स संघात झाला. या सामन्यात नाणेफेक जिंकत एमएस धोनीने प्रथम क्षेत्ररक्षणाचा निर्णय घेतला. परंतू राजस्थानच्या संजू सॅमसन, स्टिवन स्मिथ व जोफ्रा आर्चरने हा निर्णय अयोग्य ठरवत चेन्नईची चांगलीच धुलाई केली.
राजस्थानने निर्धारित २० षटकांत ७ बाद २१६ धावा करताना चेन्नईच्या जवळपास सर्वच फलंदाजांची चांगलीच धुलाई केली. संजू सॅमसनने ३२ चेंडूत ७४, स्टिवन स्मिथने ४७ चेंडूत ६९ तर जोफ्रा आर्चरने ८ चेंडूत २७ धावा केल्या. या सामन्यात राजस्थानकडून १७ षटकारांची बरसात पहायला मिळाली. विशेष म्हणजे या तीन खेळाडूंनी मिळूनच हे १७ षटकार मारले.
जोफ्राचे गमतीशीर ट्विट होतायेत व्हायरल-
जोफ्रा आर्चरने एकेवेळी केलेले गमतीशीर ट्विट मात्र आज चांगलेच व्हायरल होत आहे. जोफ्राने एकवेळी ३० ऍन ओव्हर असा ट्विट केला होता. लुंगी न्गिडीच्या शेवटच्या शेवटच्या षटकात आर्चर व टॉम करनने मिळून ३० धावा केल्या.
30 an over?
— Jofra Archer (@JofraArcher) October 17, 2014
तसेच राजस्थान रॉयल्स संघाला अडचणींचा सामना करावा लागेल असाही ट्विट त्याने २०१५मध्ये केला होता. असेच काहीतरी आजच्या सामन्यात पहायला मिळाले.
— Madhav Raj (@M_Raj05) September 22, 2020
तसेच ६,६,६,६ असाही ट्विट जोफ्राने २०१५ साली केला होता. आजच्या शेवटच्या षटकात जोफ्राने सलग ४ चेंडूंवर ४ षटकार मारले.
6666
— Jofra Archer (@JofraArcher) January 9, 2015