IND vs NZ: आयसीसी चॅम्पियन्स ट्रॉफी 2025 अंतिम सामन्यसज्ज आहे. या मेगा स्पर्धेची सुरुवात 8 संघांपासून सुरू झाला, आता तो 2 संघांमध्ये येऊन पोहोचला आहे. जिथे भारत आणि न्यूझीलंड चमकदार ट्रॉफीसाठी लढणार आहेत. उद्या म्हणजेच 9 मार्च रोजी दुबई येथे होणाऱ्या या सामन्यात रोहित शर्माच्या नेतृत्वाखालील टीम इंडिया आपला दर्जा कायम ठेवण्याचा सर्वतोपरी प्रयत्न करेल.
संपूर्ण देश टीम इंडिया चॅम्पियन होण्याची वाट पाहत आहे. पुन्हा एकदा भारतीय खेळाडू, चाहते जेतेपद उंचावण्याचे स्वप्न पाहत आहेत. पण किवी संघ चॅम्पियन्स ट्रॉफी जिंकण्याचे हे स्वप्न भंग करण्यासही सज्ज आहे. या संघात असे काही खेळाडू आहेत जे भारतीय संघाचे जेतेपद जिंकण्याचे स्वप्न भंग करू शकतात. चला तर मग या बातमीद्वारे त्या 3 किवी खेळाडूंबद्दल जाणून घेऊयात जे टीम इंडियाच्या चॅम्पियन्स ट्रॉफी जिंकण्याच्या मार्गात अडथळा ठरू शकतात.
3. मिचेल सँटनर
किवी संघ मिचेल सँटनरच्या नेतृत्वाखाली आयसीसी चॅम्पियन्स ट्रॉफीमध्ये खेळत आहे. सँटनरच्या नेतृत्वाखाली संघाने खूप चांगली कामगिरी केली आहे. कर्णधार स्वतः पुढे आला आहे आणि त्याने उत्तम गोलंदाजी केली आहे. यावेळी चॅम्पियन्स ट्रॉफीमध्ये सँटनरच्या फिरकी गोलंदाजीने फलंदाजांना खूप त्रास दिला आहे. त्याने आतापर्यंत 7 विकेट्स घेतल्या आहेत. अशा परिस्थितीत सँटनर भारतीय फलंदाजांसाठी मोठा डोकेदुखी ठरु शकतो.
2. केन विल्यमसन
न्यूझीलंड क्रिकेट संघाचा माजी कर्णधार केन विल्यमसन हा या संघाचा कणा आहे. विल्यमसन हा असा फलंदाज आहे ज्याने यावेळी आपला जुना फॉर्म परत मिळवला आहे. किवी स्टार फलंदाज सध्या उत्तम फॉर्ममध्ये आहे. या मेगा स्पर्धेत भारताविरुद्धच्या गट सामन्यात विल्यमसनने शानदार खेळी केली आहे आणि दक्षिण आफ्रिकेविरुद्धच्या उपांत्य सामन्यातही त्याने शतक झळकावले आहे. अशा परिस्थितीत तो टीम इंडियासाठी घातक ठरू शकतो.
1. रचिन रवींद्र
अंतिम सामन्यात भारतीय क्रिकेट संघासाठी सर्वात मोठा धोका न्यूझीलंडचा स्टार खेळाडू रचिन रवींद्र आहे. भारतीय वंशाचा हा तरुण अष्टपैलू खेळाडू सध्या उत्तम फॉर्ममध्ये दिसत आहे. या स्पर्धेत रचिन रवींद्रने आतापर्यंत 3 सामन्यात 2 शतके झळकावली आहेत. तो ज्या शैलीत फलंदाजी करतोय ते पाहता, त्याची बॅट अंतिम सामन्यातही चालू शकते. या सामन्यात रचिन टीम इंडियाचे चॅम्पियन्स ट्रॉफी जिंकण्याचे स्वप्न भंग करू शकतो.
हेही वाचा-
Champions Trophy: सचिन की विराट..! चॅम्पियन्स ट्रॉफीमध्ये कोणाची कामगिरी सरस?
बुमराहच्या फिटनेसवर प्रश्नचिन्ह, आयपीएल 2025 मध्ये खेळणार की नाही?
IND vs NZ: टीम इंडियासाठी हे चार खेळाडू ठरणार ट्रम्प कार्ड, फायनलमध्ये किवींचा पराभव निश्चित?
