आयपीएल 2025 पूर्वी मेगा लिलाव होणार आहे. या मेगा लिलावापूर्वी खेळाडूंना रिटेन करणं संघांसाठी सोपं जाणार नाही. विशेषत: मुंबई इंडियन्ससारखा संघ कोणत्या खेळाडूंना कायम ठेवेल? हा मोठा चर्चेचा विषय आहे.
वास्तविक, मीडिया रिपोर्ट्सवर विश्वास ठेवला तर, मुंबई इंडियन्सचे बहुतेक खेळाडू हार्दिक पांड्याच्या नेतृत्वावर खूश नाहीत. माजी कर्णधार रोहित शर्मा स्वतः मुंबई इंडियन्सच्या मॅनेजमेंटवर नाराज असल्याचा दावा केला जात आहे. अशा परिस्थिती मेगा लिलावापूर्वी मुंबई रोहित शर्माला रिटेन करणार, की जाऊ देणार? हा मोठा प्रश्न आहे.
मुंबई इंडियन्सला रोहित शर्माला कोणत्याही किंमतीत आपल्यासोबत ठेवायला आवडेल. रोहितच्या नेतृत्वाखाली मुंबईनं विक्रमी 5 वेळा आयपीएलचं विजेतेपद पटकावलं आहे. त्यामुळे रोहित शर्माला सोडणं मुंबई इंडियन्ससाठी सोपं जाणार नाही. या बातमीद्वारे आम्ही तुम्हाला अशी मोठी कारणं सांगणार आहोत, ज्यांमुळे रोहित शर्माला सोडणं मुंबई इंडियन्ससाठी मोठं आव्हान असेल.
बीसीसीआयचा रिटेन्शन नियम – मीडिया रिपोर्ट्सनुसार, आयपीएल संघ 6 खेळाडूंना रिटेन करू शकतील. अशा स्थितीत मुंबई सूर्यकुमार यादव व्यतिरिक्त जसप्रीत बुमराह, हार्दिक पांड्या आणि रोहित शर्मा यांना संघात कायम ठेवू शकते. तसेच, रोहित शर्मानं अधिक पैशांची मागणी केल्यास मुंबई इंडियन्सला ते देण्यास कोणतीही अडचण नसल्याचं बोललं जात आहे.
रोहित शर्माचा अनुभव – रोहित शर्मासाठी गेले काही आयपीएल हंगाम चांगले गेले नाहीत. मात्र त्याचा एकूण विक्रम उत्कृष्ट राहिला आहे. रोहित शर्माच्या नेतृत्वाखाली मुंबई इंडियन्सनं विक्रमी 5 वेळा आयपीएलचं विजेतेपद पटकावलंय. विशेषत: रोहित मोठ्या सामन्यांमध्ये चांगली कामगिरी करतो. फलंदाजीशिवाय तो आपल्या नेतृत्वगुणांच्या माध्यमातून संघाच्या विजयात मोलाचं योगदान देतो. रोहित शर्माचा अनुभव लक्षात घेता मुंबई इंडियन्सला आपल्या माजी कर्णधाराला कोणत्याही किंमतीत संघात कायम ठेवायला आवडेल.
रोहित शर्माचा फॉर्म – आयपीएल 2024 मध्ये रोहित शर्माचा फॉर्म संमिश्र होता. मात्र त्यानंतर टी20 वर्ल्ड कपमध्ये त्यानं शानदार कामगिरी केली. रोहित शर्मानं टी20 विश्वचषकात स्फोटक फलंदाजी केली होती. त्यानं स्पर्धेतील जवळपास प्रत्येक सामन्यात टीम इंडियाला झंझावाती सुरुवात करून दिली. रोहित शर्माचा सध्याचा फॉर्म लक्षात घेता मुंबई इंडियन्सला त्याला गमावणं परवडणारं नाही.
हेही वाचा –
“आयपीएलचा हा नियम मूर्खपणाचा, याला रद्द करा”, अश्विननं काढली लक्तरं
3 संघ ज्यांना आयपीएल 2025 पूर्वी आपले मुख्य प्रशिक्षक बदलण्याची आवश्यकता
‘या’ भारतीय खेळाडूनं सोडली पंजाबची साथ! आता या संघातून खेळताना दिसणार
