चाहत्यांना त्यांच्या आवडत्या क्रिकेटपटूंच्या वैयक्तिक आयुष्याबाबत खूप उत्सुकता असते. क्रिकेटपटूंच्या आयुष्यात काय चाललं आहे, हे चाहत्यांना कायम जाणून घ्यायचं असतं. या बातमीद्वारे आम्ही तुम्हाला अशा क्रिकेटर्सबद्दल सांगणार आहोत जे या वर्षात (2024) वडील बनले आहेत. या यादीत अनेक दिग्गजांचा समावेश आहे.
(4) विराट कोहली – विराट कोहली आणि बॉलीवूड अभिनेत्री अनुष्का शर्मा यांचं 11 डिसेंबर 2017 रोजी लग्न झालं. या जोडप्यानं 15 फेब्रुवारी 2024 रोजी मुलाला जन्म दिला. त्यांनी आपल्या मुलाचं नाव अकाय ठेवलं आहे. विराट आणि अनुष्कानं इन्स्टाग्रामवर मुलाच्या जन्माची घोषणा केली होती. या जोडप्याच्या पहिल्या मुलीचं नाव वामिका आहे. तिचा जन्म 11 जानेवारी 2021 रोजी झाला होता.
(3) शाहीन आफ्रिदी – पाकिस्तानी क्रिकेटपटू शाहीन आफ्रिदीच्या मुलाचा जन्म 24 ऑगस्ट 2024 रोजी झाला. त्याच्या मुलाचं नाव अलियार आफ्रिदी आहे. शाहीन आणि त्याची पत्नी अंशा आफ्रिदी यांनी त्यांच्या मुलाच्या जन्माची घोषणा सोशल मीडियाद्वारे केली होती. विशेष म्हणजे शाहीन त्यावेळी बांगलादेशविरुद्ध कसोटी सामना खेळत होता.
(2) सरफराज खान – भारतीय क्रिकेटपटू सरफराज खानच्या पहिल्या अपत्याचा जन्म 21 ऑक्टोबर 2024 रोजी झाला. सरफराजची पत्नी रोमना जहूर हिनं एका मुलाला जन्म दिला. सरफराजनं इन्स्टाग्रामवर मुलाच्या जन्माची घोषणा केली होती. त्यानं त्याच्या नवजात बाळाचा पहिला फोटो वडील नौशाद खान यांच्यासोबत शेअर केला होता.
(1) ट्रॅव्हिस हेड – ऑस्ट्रेलियन क्रिकेटपटू ट्रॅव्हिस हेडनं नुकतेच आपल्या घरी एका छोट्या पाहुण्याचं स्वागत केलं. त्याची पत्नी जेसिका डेव्हिस हिनं 4 नोव्हेंबरला मुलाला जन्म दिला. या जोडप्यानं 8 नोव्हेंबर रोजी त्यांच्या सोशल मीडिया अकाउंटवरून ही माहिती दिली. ट्रॅव्हिस हेड लग्नाआधीच एका मुलीचा बाप झाला होता. 2022 मध्ये त्यांच्या मुलीचा जन्म झाला. यानंतर 2023 मध्ये त्यानं त्याची गर्लफ्रेंड जेसिकासोबत लग्न केलं. आता हेड दुसऱ्यांदा वडील झाला आहे.
हेही वाचा –
केएल राहुलला टीम इंडियातून बाहेरचा रस्ता का दाखवला जाऊ शकतो? तीन प्रमुख कारणं जाणून घ्या
हेड कोच गौतम गंभीर विरुद्ध कट केला जातोय? माजी क्रिकेटपटूच्या वक्तव्यानं खळबळ
“न्यूझीलंडविरुद्धच्या लाजिरवाण्या पराभवासाठी मी जबाबदार”, दिग्गज खेळाडूची धक्कादायक कबूली
