इंग्लंडविरुद्धच्या टी२० आंतरराष्ट्रीय मालिकेतील पहिल्या सामन्यात भारताने इंग्लंडचा ५० धावांच्या फरकाने यजमान संघाचा पराभव केला. प्रथम फलंदाजी करताना भारताने १९८ धावा केल्या आणि इंग्लंडचा डाव १४८ धावांवर आटोपला. भारताने मालिकेत १-० अशी आघाडी घेतली आहे. यावेळी सामन्यात नाणेफेक जिंकत रोहितने प्रथम फलंदाजी करण्याचा निर्णय घेतला होता. त्याने घेतलेला हा निर्णय योग्य ठरला होता. याबाबत त्याने सामना संपल्यानंतर स्पष्टीकरण दिले.
या मैदानावर प्रथम गोलंदाजी करणार्‍या संघाचा सर्वोत्तम रेकॉर्ड आहे जेथे हिटमॅनने नाणेफेक जिंकून प्रथम फलंदाजी करण्याचा निर्णय घेतला. त्याच्या या अजब निर्णयावर अनेकांनी अनेक प्रश्न उपस्थित केले, पण सामना संपल्यानंतर लगेचच रोहितने सगळ्यांना मोठा विजय मिळवून दिला.
रोहितने सामन्यानंतर सांगितले की, “चेंडू प्रकाशात खूप स्विंग होत नसल्याने त्याने प्रथम फलंदाजी करण्याचा निर्णय घेतला. कधीकधी संध्याकाळी चेंडू स्विंग होतो आणि आम्हाला त्याचा फायदा घ्यायचा होता. दोन्ही बाजूंनी नवीन चेंडू आल्याने, गोलंदाज चेंडू स्विंग करत होते, त्यामुळे फलंदाजांना फटकेबाजीसाठी खूप ठेवले होते.”
सकारात्मक विचारावर रोहितचे विधान
या सामन्यात प्रथम फलंदाजी करणाऱ्या टीम इंडियाचा विचार खूपच सकारात्मक दिसत होता. रोहित म्हणाला, ‘खेळाच्या पहिल्या चेंडूवर आम्ही सातत्य राखले आणि सर्व फलंदाजांनी सारख्याच मानसिकतेने फलंदाजी केली. आम्ही खराब चेंडूंवरही चांगले फटके खेळले आणि सामन्यात गती कायम ठेवली, त्यामुळे आम्ही शानदार विजयासह सामना संपवला.
दरम्यान, आता इंग्लंडविरुद्धचा दुसरा टी२० सामना शनिवारी दिनांक ९ जुलै रोजी नियोजित आहे. या सामन्यात भारतासाठी विराट कोहली, जसप्रीत बुमराह, रिषभ पंत, रविंद्र जडेजा, श्रेयस अय्यर हे खेळाडू संघात पुनरागमन करणार आहेत. त्यामुळे भारतीय संघाला मजबूती मिळणार असल्याने इंग्लंडच्या संघाला ‘करो या मरो’च्या सामन्यात विजय मिळवणे कठीण जाणार आहे.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
दुसऱ्या टी२० सामन्यापूर्वीच रोहितच्या ‘डोक्याला शॉट’, म्हणत असेल संघात कोणाकोणाला घेऊ?
वाढदिवसाच्या दिवशी पाहायला मिळाला सौरव गांगुलीचा ‘हटके अंदाज!’, डान्स करतानाचा व्हिडिओ तुफान व्हायरल
