डिसेंबर महिन्यात पाकिस्तान संघ येत्या न्यूझीलंड दौऱ्यावर जाणार आहे. तिथे दोन्ही संघांदरम्यान तीन सामन्यांची टी२० मालिका आणि २ सामन्यांची कसोटी मालिका होणार आहे. या दौऱ्यासाठी पाकिस्तान संघ निवडकर्त्यांनी ३५ सदस्यीय पाकिस्तान संघाची निवड केली आहे. परंतु पाकिस्तानचा अनुभवी अष्टपैलू शोएब मलिक, वेगवान गोलंदाज मोहम्मद आमिर आणि असद शफीक यांना संघात स्थान देण्यात आले नाही.
का झाले मलिक, आमिर आणि शफीक संघाबाहेर?
पाकिस्तान संघाचे मुख्य निवडकर्ता मिस्बाह उल हक यांनी मलिक, आमिर आणि शफीक यांना संघात स्थान न देण्यामागचे कारण सांगितले आहे. ते म्हणाले की, “युवा खेळाडूंना जास्त संधी मिळाली यासाठी त्या तिघांना संघाबाहेर ठेवण्यात आले आहे. त्यांच्याजागी वेगवान गोलंदाज अमाद बट्ट, मधल्या फळीतील फलंदाज दानिश अजीज आणि इमरान बट्ट यांना ३५ सदस्यीय संघात संधी देण्यात आली आहे, तर यष्टीरक्षक फलंदाज रोहेल नजीर याचाही संघात समावेश करण्यात आला आहे.”
मोहम्मद रिझवान बनला उपकर्णधार
जवळपास १५-२० दिवस चालणाऱ्या या दौऱ्यावर बाबर आझम कसोटी आणि टी२० संघाचे नेतृत्त्व करेल. सोबतच यष्टीरक्षक फलंदाज मोहम्मद रिझवान याच्या खांद्यावर कसोटी संघाच्या उपकर्णधाराची जबाबदारी सोपवण्यात आली आहे. तसेच गोलंदाज शादाब खान हा टी२० संघाचा उपकर्णधार असेल.
Amad Butt, Danish Aziz, Imran Butt and Rohail Nazir have impressed the selectors with their form, technique, temperament and ability and these four players are amongst some other players who have been selected for Shaheens to build our bench strength: @captainmisbahpk pic.twitter.com/gtXUG18bON
— Pakistan Cricket (@TheRealPCB) November 11, 2020
असा आहे पाकिस्तानचा ३५ सदस्यीय संघ-
आबिद अली, अब्दुल्लाह शफीक, फखर जमान, इमाम उल हक, शान मसूद, जिशन मलिक, बाबर आजम (कर्णधार), अजहर अली, दानिश अजीज, फवाद आलम, हैदर अली, हारिस सोहेल, हुसैन तलात, इफ्तिखार अहमद, इमरान बट्ट, खुशदिल शाह, मोहम्मद हाफीज, मोहम्मद रिझवान (कसोटी उपकर्णधार), इमाद वसीम, शादाब खान (टी२० उपकर्णधार), उस्मान कादिर, यासिर शहा, जफर गोहार, अमद बट्ट, फहीम अशरफ, हॅरीस रॉफ, मोहम्मद अब्बास, मोहम्मद हसनैन, मोहम्मद मुसा, नसीम शहा, शाहीन आफ्रिदी, सोहेल खान आणि वहाब रियाज.
महत्त्वाच्या बातम्या-
‘आता काही वर्षांसाठी सुट्टीवर जावा…’, मुंबईच्या विजयानंतर पंजाबच्या प्रशिक्षकाचे मजेशीर ट्वीट
कोच रवी शास्त्री अध्यक्ष गांगुलीचे नाव विसरले की जाणून बुजून घेतलं नाही?
IPL 2021मध्ये नव्या संघाचे होणार आगमन?, वाचा सविस्तर
ट्रेंडिंग लेख-
आयपीएल २०२०मधील ५ खेळाडू; ज्यांनी सिंहाचा वाटा उचलत गाजवले मैदान
आयपीएल २०२०: एकेकाळी मैदान गाजवणारे ५ मोठे खेळाडू; या हंगामात ठरले सपशेल फ्लॉप
मुंबईचे ५ पांडव! संघाला चॅम्पियन बनवण्यात ‘या’ पाच खेळाडूंनी निभावली मोलाची कामगिरी