भारताचा स्टार खेळाडू शिखर धवन (Shikhar Dhawan) गेल्या काही वर्षापासून क्रिकेटपासून लांब आहे. त्याच्या खराब प्रदर्शनामुळे त्याला भारतीय संघात संधी मिळाली नाही. तेव्हापासून त्यानं भारतीय संघात पुनरागमन केलं नाही. परंतू तो सोशल मीडियावर नेहमी चर्चेत असतो. सध्या तो बाहेर फिरायला गेला आहे. त्यानं सोशल मीडियावर त्याचे काही फोटो शेअर केले आहेत. जे खूप व्हायरल होत आहेत.
तत्पूर्वी शिखर धवननं (Shikhar Dhawan) त्याच्या आतापर्यंतच्या क्रिकेटमध्ये खूप उतार-चढाव पाहिले. पण त्यासोबतच त्याला कौटुंबिक कारणांचाही सामना करावा लागला. 2012 मध्ये धवन आयशा मुखर्जी सोबत लग्नबंधनात अडकला होता. त्यानंतर काही वर्षांनी त्या दोघांमध्ये घटस्फोट झाला. त्यामुळे धवन एकटाच दिसत असतो. सध्या सोशल मीडियावर शेअर केलेल्या फोटोमध्ये सुद्धा तो एकटाच दिसत आहे. शेअर केलेल्या फोटोला त्यानं कॅप्शन लिहले आहे की, “मी इथेच हरवलो आहे.”
View this post on Instagram
शिखर धवननं त्याच्या आंतरराष्ट्रीय कारकिर्दीची सुरुवात 2010 मध्ये केली होती. धवन भारतासाठी तिन्ही फाॅरमॅट खेळलेला आहे. कसोटीमध्ये त्यानं आतापर्यंत 34 सामने खेळले आहेत. त्यामध्ये त्यानं 2,315 धावा ठोकल्या आहेत. यादरम्यान त्याची सर्वोच्च धावसंख्या 190 राहिली आहे. कसोटीमध्ये त्याच्या नावावर 7 शतक आणि 5 अर्धशतक आहेत.
धवननं 167 एकदिवसीय सामने खेळले आहेत. ज्यामध्ये त्यानं 6,793 धावा ठोकल्या आहेत. त्यामध्ये सरासरी 44.11 राहिली आहे. यादरम्यान त्याची सर्वोच्च धावसंख्या 143 आहे. एकदिवसीय सामन्यामध्ये धवननं 17 शतक आणि 39 अर्धशतक झळकावली आहेत. तर 68 टी20 सामन्यात धवननं 1,759 धावा केल्या आहेत. त्यामध्ये 11 अर्धशतकांचा समावेश आहे.
महत्त्वाच्या बातम्या-
एका फलंदाजामुळे दुसरा फलंदाज झेलबाद…! मजेशीर व्हिडिओ एकदा पाहाच
“टी20 संघात विराट-रोहितची जागा कोणीही घेऊ शकत नाही”, कपिल देव असं का म्हणाले?
भारताचा मुख्य प्रशिक्षक गौतम गंभीरबद्दल श्रीलंकन खेळाडूंनी दिली प्रतिक्रिया
