भारतीय क्रिकेट संघाचा कर्णधार रोहित शर्मा याचे चाहते जगभारत आहेत. सध्या रोहित आयपीएलमध्ये मुंबई इंडियन्सचे नेतृत्व करत आहे. येत्या रविवारी (30 एप्रिल) रोहित 36 वर्षांचा होत आहे. अशात हैदराबादमध्ये राहणारा रोहित शर्माचा एक जबरा चाहता देखील चर्चेत आला आहे. या चाहत्याने रोहितला वाढदिवसाच्या शुभेच्छा देण्यासाठी 60 फूट इंचीचा कटआउट बनलवला आहे. आतापर्यंत एवढा मोठा कटआउट इतर कोणत्याच क्रिकेटपटूचा बनवला गेला नाहीये, असेही सांगितले जात आहे.
रोहित शर्मा (Rohit Sharma) याचा 60 फूट इंच कटआउट या चाहत्याने तयार केला आहे, मात्र अद्याप हे कटआउट उभे केले गेले नाहीये. 30 एप्रिल म्हणजेच रोहितच्या वाढदिवशी या कटआउटचे अनावरण केले जाईल, असेही सांगितले गेले आहे. या कटआउटचे काही फोटो सध्या सोशल मीडियावर व्हायरल होत आहेत. चाहत्यांमध्ये रोहित शर्माच्या 36व्या वाढदिवसाची उत्सुकता पाहायला मिळत आहे.
रोहित शर्मा (Rohit Sharma) भारतीय संघाचा नियमित कर्णधार मागच्या वर्षी बनला. मात्र आयपीएलमध्ये त्याचा कर्णधारपदाचा अनुभव मोठा आहे. त्याच्या नेतृत्वात मुंबई इंडियन्स संघ आतापर्यंत पाच वेळा आयपीएल चॅम्पियन बनला आहे. असे असले तरी, चालू आयपीएल हंगामात रोहितच्या नेतृत्वातील मुंबईला अपेक्षित प्रदर्शन करता आले नाहीये. चालू हंगामातील पहिल्या 7 सामन्यांपैकी मुंबईने 3 सामने जिंकले आहेत आणि 4 सामन्यात संघाला पराभव स्वीकारावा लागला आहे. गुणतालिकेत मुंबई इंडियन्स संध्या आठव्या क्रमांकावर आहे.
गुणतालिकेचा विचार केला, तर राजस्थान रॉयल्स पहिल्या क्रमांकावर आहे. राजस्थानने हंगामातील सुरुवातीच्या आठ सामन्यांपैकी 5 सामने जिंकले आहेत. दुसऱ्या क्रमांकावर असलेल्या गुजरात टायटन्स संघाने 7 सामन्यांपैकी 5 सामन्यात विजय मिळवला आहे. तिसऱ्या क्रमांकावर एमएस धोनीचा चेन्नई सुपर किंग्ज आहे. सीएसकेने हंगामातील पहिल्या 8 सामन्यांपैकी 5 सामने जिंकले आहेत. (A 60 feet cutout has been installed in Hyderabad to mark Rohit Sharma’s 36th birthday)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
पंजाबविरुद्धचा सामना लखनऊने बनवला ऐतिहासिक! सर्वात मोठी धावसंख्या करणाऱ्यांमध्ये मिळवले स्थान
लखनऊसाठी हंगामातील सर्वोत्तम पावरप्लेपैकी एक! कायल मेयर्सच्या वादळी खेळीमुळे 10 षटकात 128 धावा
