यंदाची आयसीसी चॅम्पियन्स ट्राॅफी (ICC Champions Trophy 2025) पाकिस्तानच्या यजमानपदाखाली खेळली जात आहे. पण या मेगा स्पर्धेतून यजमान पाकिस्तान संघ अवघ्या 5 दिवसात बाहेर पडला. तत्पूर्वी पाकिस्तान क्रिकेटमध्ये काही विचित्र गोष्टी घडत राहतात. भारताने चॅम्पियन्स ट्रॉफीमध्ये केलेल्या लज्जास्पद पराभवानंतर, पाकिस्तान संघात चढ-उतार सुरूच आहेत.
पाकिस्तान संघाला (16 मार्च) पासून न्यूझीलंडमध्ये टी20 आणि वनडे मालिका खेळायची आहे. त्यासाठी संघ जाहीर देखील करण्यात आला आहे. मोहम्मद रिझवानला (Mohammad Rizwan) टी20च्या कर्णधारपदावरून काढून टाकण्यात आले आहे. त्याच वेळी, बाबर आझमलाही (Babar Azam) वगळण्यात आले आहे. यादरम्यान प्रशिक्षकाबाबत एक मोठी अपडेट आली.
पाकिस्तान क्रिकेट बोर्डाने (PCB) माजी वेगवान गोलंदाज आणि राष्ट्रीय निवडकर्ता आकिब जावेद यांना न्यूझीलंडच्या मर्यादित षटकांच्या दौऱ्यापर्यंत अंतरिम मुख्य प्रशिक्षक म्हणून काम करण्यास सांगितले आहे. पीसीबीच्या एका अधिकाऱ्याने सांगितले की, चॅम्पियन्स ट्रॉफी आणि न्यूझीलंड दौऱ्यामध्ये कमी वेळ असल्याने आकिब मुख्य प्रशिक्षक म्हणून कायम राहतील. ते म्हणाले, “पीसीबीने नवीन मुख्य प्रशिक्षक शोधण्याची प्रक्रिया सुरू केली आहे.”
गेल्या वर्षी, पीसीबीने जेसन गिलेस्पीला कसोटी प्रशिक्षक म्हणून आणि गॅरी कर्स्टन यांना मर्यादित षटकांचा प्रशिक्षक म्हणून नियुक्त केले होते परंतु, बोर्डातील अडचणींमुळे दोघांनीही 6 ते 8 महिन्यांत राजीनामा दिला. यानंतर, आकिबला व्हाईट बॉल संघाचे अंतरिम मुख्य प्रशिक्षक बनवण्यात आले आणि ते दक्षिण आफ्रिका आणि वेस्ट इंडिजविरुद्धच्या घरच्या मालिकेत कसोटी संघाचे मुख्य प्रशिक्षक देखील होते.
न्यूझीलंड दौऱ्यासाठी पाकिस्तानचा वनडे संघ- मोहम्मद रिझवान (कर्णधार), सलमान अली आघा (उपकर्णधार), अब्दुल्ला शफीक, अबरार अहमद, आकिफ जावेद, बाबर आझम, फहीम अशरफ, इमाम उल हक, खुशदिल शाह, मोहम्मद अली, मोहम्मद वसीम ज्युनियर, मोहम्मद इरफान खान, नसीम शाह, सुफियान मुकीम, तैयब ताहिर
न्यूझीलंड दौऱ्यासाठी पाकिस्तान टी20 संघ- सलमान अली आगा (कर्णधार), शादाब खान (उपकर्णधार), अब्दुल समद, अब्रार अहमद, हरिस रौफ, हसन नवाज, जहांदाद खान, खुशदिल शाह, मोहम्मद अब्बास आफ्रिदी, मोहम्मद अली, मोहम्मद हरिस, मोहम्मद इरफान खान, ओमैर बिन युसूफ, शाहीन शाह आफ्रिदी, सुफियान मुकीम, उस्मान खान
महत्त्वाच्या बातम्या-
ट्रेविस हेडच्या विकेटवर गोंधळ, अंपायरने शुबमन गिलला काय दिली ताकिद?
IND vs AUS: सेमीफायनलमध्ये मोहम्मद शमीचा भीमपराक्रम , 3 विकेट्स घेत अक्रम-हरभजनला मागे टाकले!
भारताची धावांचा पाठलाग करताना धोकादायक आकडेवारी, आयसीसी वनडेमध्ये मोठी चिंता!
