टीम इंडियाचा माजी धडाकेबाज गोलंदाज म्हणतो, खेळाडूंनो आयपीएलमध्ये फक्त 'या' गोष्टीची काळजी घ्या...

कोरोना व्हायरसच्या महामारीमुळे खेळाडूंना नवी दिनचर्या अवलंबावी लागणार असली तरी या गोष्टीबाबत मुंबई इंडियन्सचा गोलंदाजी प्रशिक्षक झहीर खान जास्त चिंतित नाही. कारण त्याचं म्हणणं आहे, की ही फक्त सेटल होण्याची गोष्ट आहे.

या नवीन दिनक्रमात नापीकपणा, जैव-सुरक्षित प्रशिक्षण शिबिर, हात स्वच्छ ठेवणे, तापमानाचे नियमित परीक्षण करणे आणि चेंडूवर लाळ वापरण्यावर संपूर्ण प्रतिबंध आहे. या प्रोटोकॉलमधील शेवटची गोष्ट ही सर्वात कठीण गोष्ट असल्याचे झहीर यांनी कबूल केले.

१९ सप्टेंबरपासून सुरू होत असलेल्या इंडियन प्रीमियर लीग (आयपीएल) च्या संदर्भात बोलताना माजी भारतीय वेगवान गोलंदाज म्हणाला, “हे इतके अवघड होईल असे मी म्हणत नाही. ही फक्त नवीन दिनचर्याची सवय होण्याची गोष्ट आहे. फक्त तयारीचा दिनक्रम बदलेल आणि आपल्याला त्याचे पालन करावे लागेल. पुनरागमन करत पुन्हा मैदानावर जायला छान वाटत आहे.”

झहीर खान म्हणाला, आपल्याला सतर्क राहायला हवं की आपण लाळेचा वापर करू नये, कारण गोलंदाजांना जुन्या सवयी आधी मधी आठवतात. त्यामुळे याची काळजी आपण घेतली पाहिजे.

मुंबई इंडियन्सने त्यांच्या प्रत्येक खेळाडूला एक ‘झिप बॅग’ दिली आहे. ज्यामध्ये त्यांना सराव चेंडू ठेवावा लागेल, जेणेकरुन आरोग्य सुरक्षा प्रोटोकॉलचे पालन केले जाऊ शकेल.

मुंबई इंडियन्सने पोस्ट केलेल्या ट्विटर व्हिडिओ मेसेजमध्ये झहीर म्हणाला की, “जेव्हा तुम्ही व्यावसायिक एथलीट असता तेव्हा तुम्हाला मानसिक स्थिती निर्माण करण्याचा मार्ग शोधावा लागतो, ज्यामध्ये तुम्हाला राहायचे आहे. प्रत्येकासाठी हे वेगळ असतं, आणि त्याला ते स्थान बनवाव लागतं.”

🗣️ | @ImZaheer talks about being game ready amidst the new protocols.#OneFamily #MumbaiIndians #MI #Dream11IPL pic.twitter.com/8xjomAlcAt

— Mumbai Indians (@mipaltan) September 10, 2020