ब्रिटिश टेनिसपटू अँडी मरेची खराब कामगिरी कोलोन इनडोअर टेनिस स्पर्धेतही पाहायला मिळत आहे. त्याला पहिल्या फेरीत स्पॅनिश टेनिसपटू फर्नांडो व्हर्डास्कोकडून पराभव पत्करावा लागला. मरेने केलेल्या खराब सर्व्हिसचा लाभ घेत व्हर्डास्कोने 6-6, 6-4 ने विजय मिळवला. जर्मन वेळेनुसार मध्यरात्री हा सामना संपला. सामन्यात व्हर्डास्कोने चार वेळा मरेची सर्व्हिस तोडली.
फ्रेंच ओपनमध्येही पहिल्याच फेरीत झाला पराभव
यापूर्वीही त्याला फ्रेंच ओपन 2020 च्या पहिल्या फेरीत आणि यूएस ओपनच्या दुसर्‍या फेरीत पराभव पत्करावा लागला होता. या दोन्ही ग्रँड स्लॅम स्पर्धांमध्ये त्याने वाईल्ड कार्डद्वारे प्रवेश केला. तो कोलोनमधील पहिली फेरी पार करण्यातही अयशस्वी झाला आहे. इनडोअर हार्डकोर्टमध्ये 2015 नंतरचा हा त्याचा पहिला पराभव आहे. पुढच्या फेरीत व्हर्डास्कोची लढत अव्वल मानांकित अलेक्झांडर झ्वेरेवशी होईल.
मरीन चिलीचने मार्कोस गिरॉनला केले पराभूत
पहिल्या फेरीत क्रोएशियाच्या आठव्या मानांकित मरिन चिलीचने अमेरिकेच्या मार्कोस गिरॉनला 7-5, 6-4 ने पराभूत केले होते. आता त्याचा सामना स्पेनच्या आलेझान्ड्रो डेव्हिडोविच फोकिनाशी आहे, ज्याने फिनलँडचा एमिल रुसुव्होरीचा 7-5, 6-4 ने पराभव केला आहे.
काईल एमंडचा पहिल्याच फेरीत झाला पराभव
दुसरा ब्रिटिश खेळाडू काईल एडमंडला पहिल्या फेरीत दक्षिण आफ्रिकेच्या लॉयड हॅरिसने 7-5, 7-6 (1) ने पराभूत केले. तसेच पहिल्या फेरीत बाय मिळालेल्या द्वितीय मानांकित रॉबर्टो बटिस्टा अगुतचा सामना दुसर्‍या फेरीत फ्रान्सचा टेनिसपटू जाईल्स सिमोनशी होईल. सिमनने हंगेरीचा टेनिसपटू मार्टेन फुस्कव्हिक्सला 6-0, 6-3 ने पराभूत केले आहे.
महत्त्वाच्या बातम्या –
-St. Petersburg Open: स्टॅन वावरिंकाने दुसऱ्या फेरीत केला प्रवेश
राफेल नदालचे फ्रेंच ओपन जिंकणे झाले महाकठीण, राजस्थानचा फिरकीपटू देणार फाईट
फ्रेंच ओपन : स्पेनच्या राफेल नदालचे विक्रमी जेतेपद; राॅजर फेडररच्या विक्रमाशी बरोबर