आयपीएल 2025 (IPL 2025) मध्ये सीएसकेसाठी (CSK) खळबळ उडवून देणारा स्टार गोलंदाज खलील अहमद (Khalil Ahmad) आता काउंटीमध्ये खेळताना दिसेल. 27 वर्षीय वेगवान गोलंदाज खलीलने एसेक्स काउंटी क्रिकेट क्लबसोबत करार केला आहे ज्यामुळे तो 2025-26 मध्ये काउंटी चॅम्पियनशिप आणि एकदिवसीय कपमध्ये खेळू शकेल. सामन्याच्या माहितीनुसार खलील (29 जून) रोजी संघासोबत त्याचा पहिला सामना खेळू शकतो, जो यॉर्कशायरविरुद्ध असेल. ही माहिती एसेक्स क्रिकेटच्या सोशल मीडिया हँडलवरून शेअर करण्यात आली आहे.
एसेक्स काउंटी क्रिकेट क्लबमध्ये सामील झाल्यानंतर खलील अहमदची पहिली प्रतिक्रिया तो म्हणाला, “एसेक्समध्ये सामील होण्यास मी खूप उत्सुक आहे. मी या क्लबच्या इतिहासाबद्दल खूप ऐकले आहे आणि मला त्यात सामील होण्यास खूप आनंद झाला आहे. मी संघात प्रभाव पाडण्याचा सर्वोत्तम प्रयत्न करेन. मी चेम्सफोर्डमध्ये खेळण्यास देखील खूप उत्सुक आहे आणि निष्ठावंत एसेक्स सदस्यांना आणि चाहत्यांना भेटण्यास देखील उत्सुक आहे.”
खलील अहमद अलीकडेच आयपीएल 2025 मध्ये सीएसकेकडून खेळताना दिसला. त्याने या हंगामात 14 सामन्यांमध्ये 15 विकेट्स घेतल्या. त्याने अलीकडेच इंडिया अ संघासह इंग्लंड दौरा केला जिथे त्याने त्याच्या गोलंदाजीने धुमाकूळ घातला. इंग्लंड लायन्सविरुद्धच्या पहिल्या डावात त्याने 4 विकेट्स घेतल्या.
खलील अहमद या वर्षी काउंटी क्रिकेटमध्ये करार करणारा चौथा खेळाडू ठरला आहे. त्याच्या आधी ऋतुराज गायकवाड (Ruturaj gaikwad), तिलक वर्मा (Tilak Verma) आणि इशान किशन (Ishan Kishan) हे देखील काउंटीमध्ये आपले कौशल्य दाखवत आहेत. गायकवाड यॉर्कशायरकडून खेळत असताना, तिलक हॅम्पशायरकडून खेळत आहे. नॉटिंगहॅमशायरकडून पहिल्या सामन्यात इशान किशननेही 82 धावांची खेळी केली.
