शुभमंगल सावधान! टी२० मालिकेपूर्वी आयर्लंडचा कर्णधार अडकला लग्नबंधनात, पत्नीही आहे खेळाडू

एकीकडे रोहित शर्माच्या नेतृत्त्वाखालील भारतीय संघ इंग्लंड दौऱ्यावर गेला आहे. तर दुसरीकडे हार्दिक पंड्या याच्या कर्णधारपदाखाली भारतीय संघाची दुसरी तुकडी आयर्लंड दौऱ्यावर गेली आहे. या दौऱ्यात भारत विरुद्ध आयर्लंड संघात २ सामन्यांची टी२० मालिका होणार आहे, ज्याची सुरुवात रविवारपासून (२६ जून) होणार आहे. डब्लिन येथे हा सामना होणार आहे. या सामन्यापूर्वी आयर्लंड संघाचा कर्णधार ऍंड्र्यू बालबिर्नी हा विवाहबंधनात अडकला आहे. 

बालबिर्नीने (Andrew Balbirnie) आठवडाभर आधीच म्हणजे १९ जून रोजी त्याची प्रेयसी केट मॅक हिच्यासोबत लग्न (Andrew Balbirnie Get Married) केले आहे. आपल्या अधिकृत ट्वीटर अकाउंटवर त्याचे लग्न सोहळ्यातील फोटो शेअर केले आहेत. दीर्घ काळ एकमेकांना डेट केल्यानंतर त्यांना आयुष्यभरासाठी एकमेकांचे होण्याचा निर्णय घेतला आहे. बालबिर्नीची पत्नी केट मॅक हीदेखील क्रिडापटू आहे. ती हॉकी खेळते.