अर्जुन तेंडुलकरचा युवराज सिंगच्या वडीलांसोबत भांगडा डान्स, व्हिडीओ व्हायरल

भारतीय संघाचा महान फलंदाज सचिन तेंडुलकर याचा मुलगा अर्जुन तेंडुलकर मुंबई इंडियन्स संघाचा भाग आहे. अर्जुनला अद्याप खेळण्यासाठी अपेक्षित संधी मिळाल्या नाहीत. तो सध्या दिग्गज क्रिकेटपटू युवराज सिंग याचे वडिल योगराज सिंग यांच्यासोबत डीएवी कॉलेज क्रिकेट ऍकडमीमध्ये ट्रेनिंग घेत आहे. शनिवारी, 24 सप्टेंबर अर्जुनने त्याचा 23 वा वाढदिवस साजरा केला. यातच सोशल मीडियावर एक व्हिडिओ चांगलाच व्हायरल होत आहे, ज्यामध्ये योगराज सिंग हे अर्जुनसोबत भांगडा करताना दिसत आहे.

अर्जुन तेंडुलकर (Arjun Tendulkar) सध्या चंडीगडमध्ये जेपी अत्रे स्पर्धा खेळण्यासाठी आला आहे. त्यामध्ये तो गोव्याकडून खेळणार आहे. तो योगराज सिंग (Yograj Singh) यांच्यासोबत सराव अभ्सास करत आहे. याचदरम्यान योगराज यांनी अर्जुनसोबतचे काही फोटो सोशल मीडियावर पोस्ट केले आहेत. त्यातच त्यांनी त्याच्यासोबत केलेल्या भांगड्याचा व्हिडिओ इंस्टाग्रामवर पोस्ट केला असून तो चांगलाच व्हायरल झाला आहे. या व्हिडिओला त्यांनी अर्जुनच्या वाढदिवसाचे सेलेब्रेशन, असे कॅप्शन दिले आहे.