बेंगळुरू | भारतीय महिला हॉकी संघाची मिडफील्डर स्टॉलवार्ट नमिता टोप्पो हिला मागील वर्षात केलेल्या कामगिरीबद्दल बरीच ओळख मिळाली होती. सन 2020 मध्ये ओडिशामधील प्रतिष्ठित एकलव्य पुरस्कारही तिला मिळाला .
एफआयएच हॉकी ऑलिम्पिक पात्रता 2019 मध्ये भारताने अमेरिकाविरुद्ध विजय मिळवला होता. या विजयात महत्वाची भूमिका बजावणाऱ्या 25 वर्षीय मिडफिल्डरला गेल्या आठवड्यात भारतीय धातू व फेरो अलॉय या सेवाभावी शाखेने मोठा पुरस्कार घोषित केला होता. तिला 5 लाख रुपयांचा धनादेश मिळणार आहे. तसेच पुरस्कार सोहळ्यात सन्मानपत्राही मिळणार आहे. या सोहळ्याच्या तारखेची घोषणा योग्य वेळी केली जाईल.
मिळालेल्या यशाबद्दल बोलताना नमिता म्हणाली की, “एकलव्य पुरस्कार 2020 जिंकणे हा माझ्यासाठी सर्वात मोठा सन्मान आहे. भारतीय महिला हॉकी संघाची मी सदस्य आहे. त्यामुळे मला खूप आनंद होतो आणि मला संपूर्ण संघाचा अभिमान वाटतो. त्यांच्यामुळेच मी गेल्या वर्षात चांगली कामगिरी करण्यात यशस्वी ठरली, विशेषत: मोठ्या दुखापतीतून पुनरागमन केल्यानंतर.”
“मला हा पुरस्कार दिल्याबद्दल मी एकलव्य समितीच्या सदस्यांचे आभार मानू इच्छिते. मी माझ्या देशाला आणि माझ्या राज्याला अभिमान वाटेल अशीच कामगिरी करेल याची आशा आहे.” असेही पुढे बोलताना नमिता म्हणाली
आपल्या उत्तम कामगिरीमुळेच पुरस्कार मिळतो असा नमिताचा विश्वास आहे. याबद्दल बोलताना ती म्हणाली की, “सांघिक खेळात जे काही घडते ते संघातील ऐक्य व आत्मविश्वास यामुळेच घडते असा माझा विश्वास आहे. जर मला माझ्या कामगिरीबद्दल ओळखले गेले असेल, तर मुख्य प्रशिक्षक आणि सहाय्यक कर्मचारी यांच्यापासून ते माझ्या संघातील सहकाऱ्यांपर्यंत या प्रत्येकांमुळेच.आमची उद्दीष्टे साध्य करण्यासाठी हॉकी इंडिया आणि एसएआयने सर्व क्षेत्रात सर्वोत्तम कामगिरी केली आहे.जेव्हा आपण मैदानावर सर्वोत्तम काम करता तेव्हा पुरस्कार आपल्याला मिळतो आणि आणि यावर्षी आपण हे पहिलेच आहे. खासकरुन माझ्या सहकाऱ्यांनी आणि संपूर्ण संघाने अलीकडेच विविध पुरस्कार मिळवले आहे.”
महत्त्वाच्या बातम्या –
“स्ट्रायकर होण्यासाठी शारीरिक शक्ती महत्वाची”, २१ वर्षीय प्रतिभावान हॉकीपटूची प्रतिक्रिया
“मनप्रीतसिंग आणि चिंगलेनसाना सिंगकडून बरेच काही शिकलो”, भारतीय युवा हॉकीपटूची प्रतिक्रिया
