श्रीलंका आणि पाकिस्तान यांच्यातील गॅले येथे सुरू असलेल्या पहिल्या कसोटी सामन्याचा चौथा दिवस संपला आहे. चौथ्या दिवसाचा खेळ संपल्यानंतर पाकिस्तान संघ विजयापासून १२० धावा दूर आहे. संघासाठी अब्दुल्ला शफीकने २८९ चेंडूंत पाच चौकार व एका षटकाराच्या मदतीने नाबाद ११२ धावा केल्या असून यष्टिरक्षक खेळाडू मोहम्मद रिझवानने १२ चेंडूंत सात धावा केल्या आहेत. पाकिस्तान संघासाठी दुसऱ्या डावात बाद होणारे खेळाडू इमाम-उल-हक (३५), अझहर अली (६) आणि कर्णधार बाबर आझम (५५) आहेत.
पाकिस्तान संघाच्या दुसऱ्या डावात बाद झाल्यानंतर कर्णधार बाबर आझम ज्या पद्धतीने पॅव्हेलियनमध्ये परतला ते पाहून सर्वांनाच आश्चर्य वाटत आहे. खरे तर प्रभात जयसूर्याने श्रीलंकेच्या संघासाठी दुसऱ्या डावातील ७९ वे षटक आणले. जयसूर्याच्या या षटकातील पाचवा चेंडू लेग स्टंपवरून बाबरची टीप खाल्ल्यानंतर अचानक आतकडे वळला. दरम्यान, आझम या चेंडूवर पूर्णपणे असहाय्य दिसत होता. याचा परिणाम असा झाला की या बेताल चेंडूवर पाकिस्तानच्या कर्णधाराला पॅव्हेलियनमध्ये परतावे लागले.
पहिल्या डावात सर्वोत्तम शतक झळकावणारा बाबर आझम दुसऱ्या डावातही ५५ धावांचे सुरेख अर्धशतक झळकावल्यानंतर बाद झाला. या उत्कृष्ट खेळीसाठी त्याने एकूण १०४ चेंडूंचा सामना केला. यादरम्यान त्याच्या बॅटमधून चार चौकार आणि एक शानदार षटकार आला. चौथ्या दिवशी तिसरा फलंदाज म्हणून बाबर आपल्या संघासाठी दुसऱ्या डावात पॅव्हेलियनमध्ये परतला.
दुसरीकडे, पदार्पणाच्या सामन्यापासूनच किलर गोलंदाजी करणारा श्रीलंकेचा फिरकी गोलंदाज प्रभात जयसूर्याबद्दल बोलायचे तर, त्याने दुसऱ्या डावातही दोन बळी घेतले आहेत. दुसऱ्या डावात अझहर अलीला जयसूर्याने प्रथम पॅव्हेलियनचा रस्ता दाखवला. यानंतर त्याने बाबर आझमलाही भन्नाट चेंडू टाकून पॅव्हेलियनमध्ये जाण्यास भाग पाडले. त्याने आतापर्यंत दुसऱ्या डावात संघासाठी एकूण 35 षटके टाकली आहेत.
महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा
महत्त्वाच्या बातम्या-
बाबो! आत्ताच भारत विरुद्ध पाकिस्ताच्या सामन्याची १२ लाख तिकीटे झालीत बुक, वाचा कधी रंगणार लढत
वेस्ट इंडिजविरुद्धच्या मालिकेत धवन- राहुलच्या जोडीसमोर ४ मोठे सवाल, असा काढू शकतात मार्ग
लहानपणीच सुंदर खेळायचा लॅंकेशायरसाठी! नक्की काय होते हे प्रकरण
