सध्या भारतामध्ये आयपीएलची (IPL 2025) स्पर्धा मोठ्या उत्साहात खेळली जात आहे. चाहतेदेखील मोठ्या उत्साहाने या स्पर्धेचा आनंद घेत आहेत. दरम्यान, शेजारील देश पाकिस्तानमध्ये पीएसएलची (PSL 2025) धूम सुरू आहे. चालू लीगमधील 8वा सामना काल (18 एप्रिल) कराची किंग्ज आणि क्वेटा ग्लॅडिएटर्स यांच्यात कराची येथे खेळवण्यात आला. जिथे डेव्हिड वॉर्नरच्या (David Warner) नेतृत्वाखालील कराची किंग्जचा संघ जिंकण्यात यशस्वी ठरला.
या सामन्यादरम्यान, वेस्ट इंडिज क्रिकेट संघाचे माजी दिग्गज फलंदाज विव रिचर्ड्स (Viv Richards) आणि पाकिस्तान क्रिकेट संघाचे माजी कर्णधार वसीम अक्रम (Wasim Akram) खास संवाद साधताना दिसून आले. यादरम्यान, कॅरिबियन दिग्गजाने त्या गोलंदाजाचे नाव उघड केले ज्याचा बाउन्सर त्यालाही घाबरवत असे. विव रिचर्ड्स म्हणाले, “वसीम अक्रम हा क्रिकेट खेळणारा सर्वात महान डावखुरा गोलंदाज आहे. मी माझ्या कारकिर्दीतील वसीम अक्रमच्या सर्वात वेगवान बाउन्सरचा सामना केला आहे.”
Sir Viv Richards said "Wasim Akram is the greatest left-arm bowler to play cricket. I faced the fastest bouncer in my career from Wasim Akram" ????????????#HBLPSLX #tapmad #DontStopStreaming #CatchEveryMatch pic.twitter.com/9f4igFCdt3
— Farid Khan (@_FaridKhan) April 18, 2025
विव रिचर्ड्सची गणना जगातील महान फलंदाजांमध्ये केली जाते. अशा परिस्थितीत त्यांचे विधान आश्चर्यकारक आहे. पण वसीम अक्रमची विध्वंसक गोलंदाजी अतुलनीय होती. वसीम अक्रमच्या निवृत्तीनंतर आजही लोक त्याच्या गोलंदाजीची प्रशंसा करतात.
आंतरराष्ट्रीय स्तरावर, विव रिचर्ड्सने वेस्ट इंडिजसाठी एकूण 121 कसोटी आणि 187 वनडे सामने खेळले. दरम्यान, त्याने 182 कसोटी डावांमध्ये 50.24च्या सरासरीने 8,540 धावा आणि 167 वनडे डावांमध्ये 47च्या सरासरीने 6,721 धावा केल्या. रिचर्ड्सने कसोटी क्रिकेटमध्ये 3 द्विशतके, 24 शतके आणि 45 अर्धशतके झळकावली आहेत. याशिवाय, त्याने वनडे सामन्यांमध्ये 11 शतकांसह 45 अर्धशतके झळकावली आहेत.
वसीम अक्रमच्या आंतरराष्ट्रीय कारकिर्दीबद्दल बोलायचे झाल्यास, त्याने पाकिस्तानसाठी 104 कसोटी आणि 356 वनडे सामने खेळले. दरम्यान, त्याने 181 कसोटी डावांमध्ये 23.62च्या सरासरीने 414 विकेट्स घेतल्या आणि 351 वनडे डावांमध्ये 23.53च्या सरासरीने 502 विकेट्स घेतल्या. कसोटीत, अक्रमने 5 वेळा 10 विकेट्स आणि 25 वेळा 5 विकेट्स घेण्याचा पराक्रम केला आहे. याशिवाय, त्याने वनडे सामन्यात 6 वेळा 5 विकेट्स घेतल्या आहेत.
