प्रो कबड्डी लीगच्या आठव्या हंगामातील पाचव्या दिवशी दुसऱ्या सामन्यात गतविजेते बंगाल वॉरियर्स व बेंगलोर बुल्स आमने-सामने आले. दिवसातील पहिल्या सामन्याप्रमाणेच हा सामना अखेरच्या रेडवर निकाली लागला. बेंगलोरने ३६-३५ अशा नजीकच्या फरकाने सामना आपल्या नावे केला.
अखेरचा मिनिट शिल्लक असताना बेंगलोरसाठी दक्षिण कोरियाच्या डोंग जोंग लीने दोन गुणांची रेड मारत सामना बरोबरीत नेला. त्यानंतर कर्णधार पवन सेहरावतने एक गुण घेत संघाला आघाडीवर नेले. अखेरच्या रेडमध्ये एक गुण मिळवूनही बंगाल विजयापासून वंचित राहिले.
