Bihar Cricket Association Controversy: बिहार क्रिकेट असोसिएशनमधील वाद सतत वाढत चालला आहे. वास्तविक, बिहार संघाला रणजी ट्रॉफीमध्ये मुंबईविरुद्ध सामना खेळायचा आहे. मात्र याआधी एक विचित्र दृश्य पाहायला मिळाले. मुंबई विरुद्धच्या सामन्यासाठी बिहार क्रिकेट असोसिएशनने दोन संघांची घोषणा केली आहे. एका संघाची घोषणा बिहार क्रिकेट असोसिएशनच्या अध्यक्षांनी केली, तर दुसऱ्या संघाची घोषणा सचिवांनी केली. बिहार क्रिकेट असोसिएशनचे अध्यक्ष राकेश कुमार तिवारी आहेत. त्याचबरोबर अमित कुमार बिहार क्रिकेट असोसिएशनच्या सचिवाच्या भूमिकेत आहे.
बिहार क्रिकेट असोसिएशनशी अमित कुमारचा कोणताही संबंध नाही
या संदर्भात बिहार क्रिकेट असोसिएशनचे प्रवक्ते संजीव कुमार मिश्रा यांनी आपले मत व्यक्त केले. ते म्हणाले की, “यापूर्वी अमित कुमार बिहार क्रिकेट असोसिएशनचे सचिव होते, परंतु त्यानंतर बिहार क्रिकेट असोसिएशनच्या लोकपाल न्यायालयाने त्यांना बडतर्फ केले. त्यामुळे आता अमित कुमार याचा बिहार क्रिकेट असोसिएशनशी कोणताही संबंध नाही. त्यामुळे त्याने जाहीर केलेल्या संघाने कुठेही खेळण्यात काहीच अर्थ नाही. बिहार क्रिकेट असोसिएशनच्या अध्यक्षांच्या नेतृत्वाखालील संघ रणजी ट्रॉफीमध्ये खेळणार आहे.” (bihar cricket association dispute bihar vs mumbai ranji trophy 2024)
याला कुठेतरी बीसीसीआयही जबाबदार
अमित कुमार म्हणाले की, “संघाची यादी फक्त सचिवानेच प्रमाणित केली जाते. ही लढाई आम्ही सुरुवातीपासूनच लढत आहोत. तसेच अमित कुमार यांनी बीसीसीआयवरही आरोप केले. याला कुठेतरी बीसीसीआयही जबाबदार असल्याचे ते म्हणाले. बिहार क्रिकेट असोसिएशनमध्ये भ्रष्टाचार शिगेला पोहोचला आहे. आज टीम मॅनेजर आणि कर्णधार मॅच रेफरीकडे गेले होते, त्यांना आमच्या संघाची यादीही मिळाली आहे. माझी टीम स्टेडियममध्ये पोहोचेल आणि नक्कीच खेळेल.”
काही दिवसांपूर्वी असे मानले जात होते की बिहार क्रिकेट असोसिएशनमधील सुमारे 2 दशकांपासून सुरू असलेला वाद आता संपला आहे, परंतु आता बिहार क्रिकेट असोसिएशन पुन्हा एकदा चर्चेत आले आहे. (Bihar has announced two teams for the Ranji match against Mumbai read what exactly is the case)
हेही वाचा
केपटाऊन कसोटीच्या दुसऱ्याच दिवशी भारताने मारली बाजी, मालिकेत बरोबरी करत कर्णधारच्या नावावर मोठा विक्रम
रणजी ट्रॉफी स्पर्धेचा इतिहास, आजपर्यंतचे विजेते आणि मुंबई-महाराष्ट्र-विदर्भ संघाची कामगिरी
