कोलकाता नाईट रायडर्स (केकेआर) संघाचे मुख्य प्रशिक्षक ब्रेंडन मॅक्यूलमला संयुक्त अरब अमिरातीमध्ये (युएई) होणाऱ्या आयपीएल २०२०मध्ये युवा क्रिकेटपटू शुबमन गिलवर नेतृत्त्वाशी संबंधित काही जबाबदाऱ्या सोपवायच्या आहेत. गतवर्षीच्या आयपीएल हंगामात गिलने केकेआरकडून खालच्या फळीत फलंदाजी केली होती, त्यामुळे फ्रंचायझीवर खूप टीका करण्यात आली होती. Brendon McCullum Said That Shubman Gill Will Do Some Leadership Role In IPL 2020
एवढेच नव्हे तर, केकेआरच्या स्टार अष्टपैलू क्रिकेटपटू आंद्रे रसलने आयपीएलच्या १२व्या हंगामात संघाच्या सलग पराजयासाठी फ्रंचायझीच्या काही वाईट निर्णयांना जबाबदार ठरवले होते. कारण, २वेळा आयपीएल ट्रॉफी जिंकणारा केकेआर संघ गतवर्षी पहिल्या पाच सामन्यांपैकी ४ सामने जिंकूनही प्ले ऑफमध्ये स्थान मिळवू शकला नव्हता.
न्यूझीलंडचा माजी कर्णधार मॅक्यूलम म्हणाला की, “गिल एक प्रतिभाशाली खेळाडू आहे. सोबतच तो खूप चांगला मुलगा आहे. तो यावर्षी थोड्या प्रमाणात का असो पण आमच्या नेतृत्त्व समूहाचा भाग असणार आहे. तो अजून युवा आहे. पण, मला असे वाटत नाही की, तुम्ही जास्त वर्षे क्रिकेट खेळलात तरच संघाचे नेतृत्त्व करु शकाल.”
“यामध्ये तुम्हाला तुमचे नेतृत्त्वाचे वर्तन दाखवायचे असते. समूहात नेतृत्त्वाची जबाबदारी वाटणे नेहमी फायद्याचे ठरते. आमच्यासाठी शुबमन गिल हा त्या खेळाडूंपैकी एक आहे, ज्यांच्यावर आम्ही पूर्ण हंगामादरम्यान काही जबाबदाऱ्या सोपवणार आहोत.”
केकेआरचा सर्वात यशस्वी कर्णधार गौतम गंभीरनंतर २०१८मध्ये दिनेश कार्तिकची संघाचा कर्णधार म्हणून निवड करण्यात आली होती. भारतीय संघातील यष्टीरक्षक फलंदाज कार्तिकविषयी बोलताना मॅक्यूलम म्हणाला की, “कार्तिकमधील दमदार यष्टीरक्षण क्षमतेला समजण्यासाठी त्याला वेगवेगळ्या भागात थोडा ब्रेक द्यावा लागेल. तो भारतातील सर्वोत्कृष्ट यष्टीरक्षकांपैकी एक आहे. तो कोणत्याही भूमिकेत स्वत:ला सिद्ध करु शकतो.”
“कदाचित तो स्टारडम असलेल्या खेळाडूंमध्ये स्वत:ला सहभागी करुन घेत नाही आणि हेच डीकेचे व्यक्तिमत्व आहे. पण, तो केकेआरमधील सर्वात मोठा स्टार खेळाडू आहे. तो या २ वर्षांमध्ये आमच्या संघासाठी खूप महत्त्वपूर्ण खेळाडू राहिला आहे. त्याला थोडेफार यशही मिळाले आहे,” असे पुढे बोलताना मॅक्यूलमने सांगितले.
महत्त्वाच्या बातम्या –
कोरोना आला आणि ‘या’ खेळाडूचे क्रिकेट करियरचं वाढलं, आता खेळणार २०२३ विश्वचषक
सानिया मिर्झाने विचारले, काय मी जाड झालीय का? उत्तर देताना शोएब मलिककडून झाली ‘ही’ मोठी चूक
सुशांत सिंग मृत्यू प्रकरणावर सुरेश रैनाचे ट्विट, म्हणतोय; भाऊ दु:ख खूप होतंय, परंतू…
ट्रेंडिंग लेख –
या ५ कारणांमुळे एमएस धोनीने निवृत्ती न घेता अजून खेळणे अपेक्षित होते
आयपीएल २०२०: मुंबई इंडियन्सचा कर्णधार रोहित शर्मा यंदा करू शकतो हे ४ मोठे विक्रम
आयपीएल २०२०: या हंगामातील ३ सर्वात धोकादायक सलामी जोड्या