देशातील सर्वात मोठा यूट्यूबर अजय नागर उर्फ ’कॅरी मिनाटी’ (CarryMinati) सध्या सोशल मीडियावर खूप ट्रोल होतोय. हे प्रकरण स्टार फलंदाज विराट कोहलीशी संबंधित आहे. कॅरी मिनाटीनं अलीकडेच त्याच्या एका व्हिडिओमध्ये विराट कोहलीची खिल्ली उडवली होती. त्यानंतर आरसीबीचे चाहते त्याच्यावर भडकले. चाहत्यांनी सोशल मीडिया प्लॅटफॉर्म ‘X’ वर ‘SHAME ON CARRYMINATI’ ट्रेंड करायला सुरुवात केली. यानंतर आता कॅरीला या प्रकरणी स्पष्टीकरण द्यावं लागलं आहे. काय आहे हे संपूर्ण प्रकरण, चला जाणून घेऊया.
‘X’ वर कॅरी मिनाटीचा एक व्हिडिओ व्हायरल होतोय, ज्यामध्ये तो विराट कोहलीचा अपमान करताना दिसत आहे. व्हिडिओमध्ये कॅरी म्हणतो की, “विराटनं मिठाई खाणं सोडून दिलं कारण त्याला आनंद साजरा करण्याची संधी मिळत नाही. रोहित बघा. माणूस जिंकतो तेव्हा त्याला डाएट करण्याची गरज नसते. विराट ऐकतोय ना?” कॅरीचा हा व्हिडिओ सोशल मीडियावर व्हायरल झाला आणि तो आरसीबीच्या चाहत्यांचा निशाणा बनला. विराटच्या चाहत्यांनी कॅरीला प्रचंड ट्रोल करायला सुरुवात केली.
विराट कोहलीचे चाहते कॅरी मिनाटीवर इतके संतप्त झाले की त्यांनी ‘X’ वर ‘SHAME ON CARRYMINATI’ ट्रेंड करायला सुरुवात केली. कॅरीनं राष्ट्रीय आयकॉन विराट कोहलीचा अपमान केला आहे. याची त्याला लाज वाटली पाहिजे, अशा प्रकारच्या प्रतिक्रिया चाहते देत आहेत.
विराट कोहलीच्या चाहत्यांकडून ट्रोल झाल्यानंतर कॅरी मिनाटीनं या प्रकरणावर स्पष्टीकरण दिलं. त्यानं ‘X’ वर एक पोस्ट लिहिली, “मी नुकतंच ट्विटर तपासलं. थोडा गैरसमज झाला आहे. मी एक शो करत आहे. त्यात एक स्किट आहे ज्यामुळे लोक संतापले आहेत. हे समजून घेण्यासाठी कृपया संपूर्ण स्किट पहा. मी खऱ्या आयुष्यात विराट भाईचा अपमान का करू? हे एक स्किट आहे. त्यांचा अपमान करण्याचा माझा कोणताही हेतू नव्हता. आम्ही एक पात्र साकारतोय. बाकी तुमची निवड आहे. तुम्ही प्रेक्षक आहात.”
महत्त्वाच्या बातम्या-
कोण आहे हर्षित राणा? ज्याची स्तुती स्वत: ‘क्रिकेटचा देव’ सचिन तेंडुलकर करतोय!
शाहरुख खान पुन्हा वादात! आयपीएल सामन्यादरम्यान उघडपणे केलं धुम्रपान
हर्षित राणाला मैदानावरील वर्तन भोवलं, मॅच रेफरीनं ठोठावला मोठा दंड
