‘आलीशान कार आणि घर, वर्षाला करोडो रुपयांची कमाई’, नव्या कर्णधाराची एकूण संपत्ती जाणून व्हालं थक्क!

क्रिकेटच्या मैदानावर 360 खेळाडू म्हणून ओळखल्या जाणारा टीम इंडियाचा स्टार सूर्यकुमार यादव सध्या चर्चेत आहे. सातत्याने केलेल्या उत्कृष्ट खेळामुळे सूर्यकुमार यादवलाही मोठा पुरस्कार मिळाला आहे. अलीकडेच, सूर्यकुमार यादवला टीम इंडियाचा नवा टी20 कर्णधार बनवण्यात आले आहे. सूर्यकुमार यादव हा आधुनिक क्रिकेटमधील सर्वात स्फोटक फलंदाजांपैकी एक आहे. विशेषत: टी20 क्रिकेटमध्ये तो गोलंदाजांसाठी धोकादायक ठरतो.

कठोर परिश्रम आणि समर्पणामुळे सूर्यकुमार आज केवळ टीम इंडियाचा कर्णधार बनला नाही तर त्याने भरपूर संपत्ती आणि प्रसिद्धीही मिळवली आहे. आज त्याच्याकडे आलिशान कारपासून ते आलिशान घरे आणि करोडो रुपयांची मालमत्ता आहे. अशा परिस्थितीत सूर्यकुमार यादव यांची एकूण संपत्ती किती आहे हे जाणून घेऊया.

अहवालानुसार, सूर्यकुमार यादव यांची एकूण संपत्ती 55 कोटी रुपयांपेक्षा जास्त असल्याचा अंदाज आहे. बीसीसीआय करार आणि आयपीएल हे त्याच्या उत्पन्नाचा मुख्य स्त्रोत आहे. सूर्यकुमार सध्या मुंबई इंडियन्सकडून खेळत आहे. या फ्रँचायझीतून तो दरवर्षी 9 कोटी रुपये कमावतो. याशिवाय, सूर्यकुमार यादव मोठ्या ब्रँड्सच्या जाहिराती करतो, त्याचे त्याला लाखो रुपये मिळतात. तर बीसीसीआयच्या केंद्रीय करारात सूर्यकुमार यादव ‘बी’ श्रेणीत आहे. या श्रेणीत दरवर्षी सूर्यकुमार यादवला तीन कोटी रुपये पगार मिळतो. या कमाई व्यतिरिक्त, सूर्यकुमार यादवने काही स्टार्टअप्समध्येही गुंतवणूक केली आहे ज्यामुळे त्याचे उत्पन्न मिळते.

सूर्यकुमार यादव मुंबईतील चेंबूर भागात राहतो. चेंबूरच्या अणुशक्तीनगरमध्ये त्याचे आलिशान घर आहे. सूर्यकुमार यादवच्या या घराची किंमत करोडोंमध्ये असल्याचे सांगण्यात येत आहे. याशिवाय त्याने देशाच्या विविध भागात रिअल इस्टेटमध्येही गुंतवणूक केली आहे. अशाप्रकारे आयपीएल आणि बीसीसीआयच्या कमाईसोबतच त्याला रिअल इस्टेटमधूनही चांगले उत्पन्न मिळते.