क्रिकेटविश्वातून धक्कादायक बातमी! ३३२ सामने पाहिलेला दिग्गज काळाच्या पडद्याआड

मंगळवार, दिनांक ९ ऑगस्ट रोजी क्रिकेटविश्वातून दु:खद बातमी पुढे येत आहे. क्रिकेटविश्वातील दिग्गज पंचांपैकी एक असलेले दक्षिण आफ्रिकी पंच रूडी कर्स्टन (Rudi Koertzen) यांचा कार अपघातात मृत्यू झाला आहे. ते ७३ वर्षांचे होते. दक्षिण आफ्रिकेतील रिव्हर्सडेल येथे मंगळवारी सकाळी त्यांच्या कारचा भीषण अपघात झाला असून, या अपघातात त्यांच्यासह आणखी ३ जण ठार झाले आहेत. दक्षिण आफ्रिकेतील एका स्थानिक वृत्तपत्राच्या अहवालात त्यांच्या मृत्यूबद्दल सांगितले गेले आहे. 

माध्यमांतील वृत्तांनुसार, रुडी कर्स्टन गोल्फ खेळण्यासाठी गेले होते. गोल्फ खेळून झाल्यानंतर केपटाऊनमधील नेल्डन मंडेला बे स्थित आपल्या घरी परतत असताना रिव्हर्सडेल येथे त्यांच्या कारचा अपघात झाला. त्यांची कार दुसऱ्या वाहनाला जोराने धडकली, ज्यामध्ये रुडी यांच्यासह तिघांचे प्राण गेले.

Vale Rudi Koertzen ! Om Shanti. Condolences to his family.

Had a great relation with him. Whenever I used to play a rash shot, he used to scold me saying, “Play sensibly, I want to watch your batting”.

One he wanted to buy a particular brand of cricket pads for his son (cont) pic.twitter.com/CSxtjGmKE9

— Virender Sehwag (@virendersehwag) August 9, 2022

रुडी हे क्रिकेटमधील सर्वात प्रतिष्टित पंचांपैकी एक होते. त्यांनी एकूण ३३२ आंतरराष्ट्रीय सामन्यात मैदानी पंचाची भूमिका निभावली होती. यामध्ये १०८ कसोटी, २०९ वनडे आणि १४ टी२० सामन्यांचा समावेश आहे. ते बरीच वर्षे आयसीसीच्या एलिट पॅनेलचाही भाग होते. त्यांनी ९ डिसेंबर १९९२ साली भारत विरुद्ध दक्षिण आफ्रिका संघात खेळल्या गेलेल्या वनडे सामन्यातून पंच म्हणून पदार्पण केले होते. कसोटी क्रिकेटमध्येही त्यांनी पहिल्यांदा भारताविरुद्धच पंचगिरी केली होती. पंच म्हणून तब्बल १८ वर्षांची कारकिर्द राहिली.