सध्या १९ वर्षाखालील आशिया चषक (under 19 asia cup 2021) खेळला जात आहे. आशिया चषक खेळण्यासाठी भारताचा १९ वर्षाखालील संघ (under 19 Indian team) यूएई दौऱ्यावर आहे आणि या स्पर्धेची सुरुवात संघाने विजयासह केली आहे. गुरुवारी (२३ डिसेंबर) भारतीय संघाने त्यांच्या आशिया चषकातील अभियानाची सुरुवात केली. पहिल्या सामन्यात भारतासमोर यूएई संघाचे आव्हान होते. या सामन्यात भारतीय संघाने १५४ धावांनी मोठा विजय मिळवला.
यूएई संघाने सुरुवातीला नाणेफेक जिंकली आणि भारताला प्रथम फलंदाजीसाठी आमंत्रित केले. प्रथम फलंदाजी करताना भारताने ५ विकेट्सच्या नुकसानावर २८२ धावा केल्या आणि यूएईला विजयासाठी २८३ धावांचे लक्ष दिले. लक्ष्याचा पाठलाग करताना यूएई संघ स्वस्तात गुंडाळला गेला आणि परिणामी भारताने सामन्यात विजय मिळवला. यूएई संघ ३४.३ षटकात आणि १२८ धावांवर सर्वबाद झाला आणि भारताने आशिया चषकातील त्यांचा पहिला विजय सहजासहजी मिळवला.
प्रथम फलंदाजी करताना भारताचा सलामीवीर फलंदाज हरनूर सिंगने १३० चेंडूत सर्वाधिक १२० धावांची महत्वपूर्ण खेळी केली. त्याने केलेल्या या शतकी खेळीत तब्बल ११ चौकारांचा समावेश होता. त्याव्यतिरिक्त भारतीय संघाचा कर्णधार यश धूल (Yash Dhull) यानेही ६८ चेंडूत चार चौकारांच्या मदतीने ६३ धावांचे महत्वाचे योगदान दिले.
अधिक वाचा – “गांगुलीला कर्णधारपदावर बोलण्याचा त्यांना अधिकार नाही”, दिग्गज भारतीय क्रिकेटर कडाडला
तसेच सहाव्या क्रमांकावर फलंदाजी करणाऱ्या राजवर्धन हंगर्गेकरने २३ चेडूंचा सामना केला आणि यामध्ये सहा चौकार आणि २ षटकारांच्या मदतीने ४८ धावांची धुवाधार खेळी केली. भारतीय संघातील दोन फलंदाज धावबाद झाले, तर यूएईच्या आलीशान शराफूने २ आणि अयान खानने १ विकेट घेतली.
व्हिडिओ पाहा – युवी अन् भज्जीमुळं भर टीम मीटिंगमध्येच रडला दादा
यूएईच्या प्रदर्शनाचा विचार केला, तर त्यांच्या संघाने या सामन्यात तब्बल नऊ खेळाडूंना गोलंदाजीची संधी दिली, पण तरही भारतीय संघाने ५० षटके खेळून काढली आणि अपेक्षित धावसंख्याही बनवली. फलंदाजीत यूएईचा संघ ३४.३ षटकात १२८ करून सर्वबाद झाला. भारतासाठी गोलंदाजीमध्ये हंगर्गेकरने ३ विकेट्स घेतल्या, तर गर्व सांगवान, विकी ओसवाल आणि कौशल तांबले यांनी प्रत्येकी २-२ विकेट्स मिळवल्या. आता स्पर्धेतील दुसऱ्या सामन्यात भारतीय संघ पाकिस्तानशी २५ डिसेंबर रोजी भिडणार आहे.
महत्वाच्या बातम्या –
विजय हजारे ट्रॉफी: ‘या’ चार संघांचा सेमीफायनलमध्ये प्रवेश, पाहा वेळापत्रक
प्रो कबड्डी २०२१: दबंग दिल्लीचा पुणेरी पलटनला पराभवाचा धक्का, नवीन कुमार ठरला विजयाचा नायक
