बांगलादेश दौऱ्यावर 3 सामन्यांच्या वनडे मालिकेतील दोन सामने यजमानांनी आपल्या खिशात घातले होते. तिसऱ्या सामन्यातही बांगलादेश संघाने भारतीय संघाला पराभूत करण्याचा विचार केला असेल, पण तिसरा सामना भारताच्या पारड्यात पडण्याची शक्यता आहे. कारण, भारताने तब्बल 400 हून अधिक धावांचा डोंगर उभा केला आहे. हा डोंगर उभा करण्यात सलामीवीर ईशान किशन आणि विराट कोहली यांनी सिंहाचा वाटा उचलला. विशेष म्हणजे, ईशानने द्विशतक, तर विराटने शतक ठोकले. ईशानच्या खेळीनंतर त्याची गर्लफ्रेंड आदिती हुंडिया हिचाही आनंद गगनात मावेनासा झाला.
ईशान किशनचे द्विशतक
नाणेफेक गमावत भारतीय संघ फलंदाजीला उतरला होता. यावेळी भारतीय संघाचा सलामीवीर ईशान किशन (Ishan Kishan) याने सुरुवातीपासूनच फटकेबाजी सुरू केली. तो डावाच्या 35.5 षटकापर्यंत खेळपट्टीवर टिकून होता. यावेळी त्याने इतिहास रचला. आपले शतक द्विशतकात बदलणारा तो पहिलाच फलंदाज ठरला. पहिल्या दोन सामन्यात जागा न मिळालेल्या ईशानने तिसऱ्या सामन्यात रोहित शर्मा (Rohit Sharma) याची जागा घेत संधीचं सोनं केलं.
ईशानने आधी 49 चेंडूत त्याचे अर्धशतक साकारले. त्यानंतर पुढे 85 चेंडूत 100 धावा चोपल्या. पुढे दीडशतक करण्यासाठी त्याला 103 चेंडूंचा सामना करावा लागला. शेवटी 126 चेंडूत त्याने आपले द्विशतक साकारले. अशी कामगिरी करणारा तो भारतीय संघाचा चौथा फलंदाज ठरला. त्याच्यापूर्वी रोहित, सचिन तेंडुलकर आणि वीरेंद्र सेहवाग यांनी अशी कामगिरी केली होती. ईशानने या खेळीत 131 चेंडूत 210 धावा कुटल्या. या धावा करताना त्याने 10 षटकार आणि 24 चौकारांचा पाऊस पाडला.
ईशानच्या गर्लफ्रेंडची स्टोरी
ईशानने ऐतिहासिक कामगिरी करताच त्याची गर्लफ्रेंड आदिती हुंडिया (Aditi Hundia) हिलादेखील भलताच आनंद झाला. तिने बीसीसीआयने शेअर केलेली ईशान किशनची द्विशतकाची पोस्ट तिच्या इंस्टाग्राम स्टोरीवर लावली. तिच्या स्टोरीचे स्क्रीनशॉट्स व्हायरल होत आहेत.
— Akash Kharade (@cricaakash) December 10, 2022
कोण आहे आदिती हुंडिया?
ईशान किशनची गर्लफ्रेंड आदिती हुंडिया (Ishan Kishan Girlfriend Aditi Hundia) हिच्याबद्दल बोलायचं झालं, तर तिने तिच्या कारकीर्दीत अनेक ताजवर आपले नाव कोरले आहेत. तिला ‘मिस डीवा 2018’ पुरस्काराने गौरवण्यात आले होते. त्यानंतर तिने पोलंड येथील ‘मिस सुपरनॅशनल पॅजेंट’मध्ये भारताचे प्रतिनिधित्व केले होते.
https://www.instagram.com/p/BwCygxZB1yl/
असे म्हटले जात आहे की, आदिती आणि ईशान हे मागील तीन वर्षांपासून एकमेकांना डेट करत आहेत. आदिती ही आयपीएलमध्ये ईशानला पाठिंबा देण्यासाठी स्टेडिअममध्ये चीअर करतानाही दिसली होती. (cricketer ishan kishan girlfriend aditi hundia reacts to boyfriends double century vs bangladesh)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
चट्टोग्राममध्ये ईशानचे ‘विराट’ वादळ! बांगलादेशसमोर विजयासाठी 410 धावांचे आव्हान
‘विराट, राहुल अन् रोहितने तीन वर्षात किती शतके ठोकली?’, भारताच्या विश्वविजेत्या खेळाडूचा तिखट प्रश्न
