लीजेंड्स लीग क्रिकेट 2023 स्पर्धेला शुक्रवारपासून (दि. 10 मार्च) सुरुवात झाली. या स्पर्धेतील पहिला सामना इंडिया महाराजा विरुद्ध आशिया लायन्स संघात पार पडला. आशिया लायन्स संघाचे नेतृत्व शाहिद आफ्रिदी याच्याकडे, तर इंंडिया महाराजा संघाची धुरा गौतम गंभीर याच्याकडे आहे. या सामन्यात आशियाचे लायन्स इंडिया महाराजांवर भारी पडले. हा सामना लायन्सने 9 धावांनी खिशात घातला. मात्र, महाराजा संघाचा यष्टीरक्षक फलंदाज रॉबिन उथप्पा चांगलाच चमकला. त्याचा यादरम्यानचा व्हिडिओ जोरदार व्हायरल होत आहे.
आशिया लायन्स (Asia Lions) संघाचा कर्णधार शाहिद आफ्रिदी (Shahid Afridi) याने नाणेफेक जिंकून फलंदाजीचा निर्णय घेतला होता. हा निर्णय संघाने योग्य असल्याचे सिद्ध केले. या सामन्यात लायन्सने निर्धारित 20 षटकात 6 विकेट्स गमावत 165 धावा केल्या होत्या. हे आव्हान पार करताना इंडिया महाराजा (India Maharajas) संघाला निर्धारित 20 षटकात 8 विकेट्स गमावत 156 धावाच करता आल्या. मात्र, लायन्सच्या डावातील दुसऱ्या षटकात रॉबिन उथप्पा (Robin Uthappa) याने कमालीचे यष्टीरक्षण केले. उथप्पाने तिलकरत्ने दिलशान (Tillakaratne Dilshan) याचा शानदार झेल घेतला.
https://twitter.com/Priyank79476502/status/1634219827039436801?ref_src=twsrc%5Etfw%7Ctwcamp%5Etweetembed%7Ctwterm%5E1634219827039436801%7Ctwgr%5Efc599efc52d6bf09046e3fa96e35eff073f7b606%7Ctwcon%5Es1_&ref_url=https%3A%2F%2Fwww.jagran.com%2Fcricket%2Fheadlines-robin-uthappa-unbelievable-stunning-catch-in-legends-league-cricket-2023-watch-video-india-maharaja-vs-asia-lions-23352410.html
रॉबिन उथप्पाचा अफलातून झेल
खरं तर, दोहाच्या वेस्ट एंड पार्क इंडिया महाराजा आणि आशिया लायन्स (India Maharajas vs Asia Lions) संघातील रोमांचक सामना पार पडला. या सामन्यात लायन्स संघाचा सलामीवीर दिलशान दुसऱ्या षटकातच विकेट गमावली. हे षटक वेगवान गोलंदाज अशोक दिंडा याने टाकले होते. यावेळी तो चौथ्या चेंडूवर दिंडाच्या जाळ्यात अडकला.
दिलशानची विकेट घेण्यात 37 वर्षीय उथप्पाचे मोलाचे योगदान राहिले. झाले असे की, दिलशानच्या बॅटची कड घेत चेंडू थेट उथप्पाच्या हातात गेला. मात्र, हा चेंडू झेलण्यासाठी उथप्पाने चित्त्याच्या वेगाने डाईव्ह मारली आणि एकूण 3 वेळा चेंडू पकडण्याचा प्रयत्न केल्यानंतर चेंडू त्याच्या हातात आला. त्यानंतर सुरेश रैना याने त्याला घट्ट मिठी मारली. यादरम्यानचा व्हिडिओ सोशल मीडियावर धुमाकूळ घालत आहे. (cricketer robin uthappa unbelievable stunning catch in legends league cricket 2023 india maharaja vs asia lions)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
पंत नाहीये म्हणून काय झालं, दिल्लीला मिळाला नवीन पॉवर हिटर; बाबरच्या संघाविरुद्ध ठोकलं वेगवान शतक
रोहित शर्माचा अहमदाबादेत राडा! 35 धावा करून तंबूत परतला, पण नावावर झाला जबरदस्त रेकॉर्ड
