साऊथ सुपरस्टारलाही आवरला नाही संजूसोबत सेल्फी घेण्याचा मोह, फोटो सर्वत्र व्हायरल

भारतीय संघात एकापेक्षा एक खेळाडूंचा भरणा आहे. त्या दमदार खेळाडूंमध्ये सलामीवीर फलंदाज संजू सॅमसन याच्या नावाचाही समावेश होतो. सध्या तो बंगळुरू येथील राष्ट्रीय क्रिकेट अकादमी म्हणजेच एनसीएमध्ये आहे. तिथे तो त्याच्या दुखापतींवर उपचार घेत आहे. सॅमसन श्रीलंकेविरुद्धच्या टी20 मालिकेदरम्यान दुखापतग्रस्त झाला होता. त्यामुळे तो संघातून मालिकेतून आणि संघातून बाहेर आहे. अशात बंगळुरू येथे   शुक्रवारी (दि. 27 जानेवारी) संजूने कन्नड सुपरस्टार किच्चा सुदीप याची भेट घेतली. त्यांचे फोटो सोशल मीडियावर जोरदार व्हारल होत आहेत.

संजू सॅमसन (Sanju Samson) हा आयपीएल स्पर्धेत राजस्थान रॉयल्स (Rajasthan Royals) संघाकडून खेळतो. विशेष म्हणजे, तो संघाचा कर्णधारही आहे. तसेच, संजू सॅमसन आणि किच्चा सुदीप (Sanju Samson And Kiccha Sudeep) यांचा फोटोदेखील राजस्थानने त्यांच्या अधिकृत ट्विटर अकाऊंटवर शेअर केला आहे. या फोटोत राजस्थानचा फलंदाज केसी करियप्पा (KC Cariappa) हादेखील दिसत आहे. या फोटोत सुदीप सॅमसनसोबत सेल्फी घेतानाही दिसत आहे.

Agent KC uniting two superstars – Sanju and Kiccha. 💗 pic.twitter.com/rij0Y3iVCm

— Rajasthan Royals (@rajasthanroyals) January 27, 2023

सॅमसन गुडघ्याच्या दुखापतीतून सावरत आहे. तसेच, तो लवकरच फिट होऊन क्रिकेट खेळण्यास सुरुवात करू शकते. या महिन्याच्या सुरुवातीला श्रीलंकेविरुद्धच्या पहिल्या टी20 सामन्यात त्याला गुडघ्याची दुखापत झाली होती. त्यानंतरपासून तो संघाबाहेर आहे. सॅमसनची न्यूझीलंडविरुद्धच्या मालिकेसाठीही संघात निवड झाली नाही. तसेच, तो शेवटचे दोन टी20 सामनेदेखील खेळू शकला नाही.

सॅमसन दुखापतीनंतर एनसीएमध्ये उपचार घेत आहे. याव्यतिरिक्त असेही म्हटले जात आहे की, तो आता आयपीएलनंतरच भारतीय संघाकडून खेळेल. मात्र, कदाचित भारतीय संघातील इतर सदस्य कसोटी मालिकेसाठी संघात परततील. ऑस्ट्रेलिया मालिकेसाठी कसोटी संघात रवींद्र जडेजा याचे पुनरागमन होईल, त्याने रणजी ट्रॉफीत दमदार कामगिरी केली आहे. तसेच, रिषभ पंत याच्या अनुपस्थितीत सॅमसनकडे त्याच्या क्षमता दाखवण्याची अधिक संधी असेल. कारण, पंत काही महिन्यांसाठी क्रिकेटमधून विशेषत: टी20 क्रिकेट प्रकारातून बाहेर पडला आहे. (cricketer sanju samson and kc cariappa meets superstar kiccha sudeep rajasthan royals share pictures)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
पराभवानंतर टीम इंडियात दुसऱ्या टी20त होणार बदल? वॉशिंग्टन सुंदरने स्पष्टच सांगितले
वनडे क्रिकेटचा सगळ्यात मोठा मॅचविनर टी20त ठरतोय फ्लॉप, करिअर येणार धोक्यात?