क्रिकेटच्या तिन्ही प्रकारातून ‘गब्बर’ बाहेर, निवृत्ती न घेताच सुरू केले नवीन काम? पाहा व्हिडिओ

भारतीय संघात एकापेक्षा एक धडाकेबाज सलामीवीर फलंदाज आहेत. यामध्ये शिखर धवन याच्या नावाचाही समावेश होतो. मात्र, धवनला सध्या भारतीय संघाच्या तिन्ही क्रिकेट प्रकारातून बाहेर करण्यात आले आहे. निवडकर्त्यांनी त्याला कसोटी आणि टी20 क्रिकेटमधून आधीच बाहेर केले होते. मात्र, आता वनडे संघातूनही त्याला बाहेरचा रस्ता दाखवला आहे. धवन सध्या भारतीय संघातून बाहेर आहे, पण तो सोशल मीडियावर तुफान सक्रिय असतो. त्याने नुकताच एक व्हिडिओ शेअर केला आहे. या व्हिडिओमुळे तो छोट्या पडद्यावर पदार्पण करणार असल्याच्या चर्चा रंगल्या आहेत.

भारतीय संघाचा दमदार सलामीवीर शिखर धवन (Shikhar Dhawan) हा खूपच मजा-मस्ती करण्यासाठी ओळखला जातो. सोशल मीडियावर त्याच्या अभिनयाचे अनेक व्हिडिओ व्हायरल झाले आहेत. अशात शिखर धवन कुंडली भाग्य (Shikhar Dhawan Kundali Bhagya) या टीव्ही मालिकेमध्ये अभिनय करणार असल्याच्या बातम्यांनी जोर धरला आहे. मालिकेच्या सेटवरून अनेक फोटो समोर आले आहेत, ज्यात धवन पोलिसाच्या ड्रेसमध्ये गुंडांची धुलाई करताना दिसत आहे.

https://www.instagram.com/reel/CqAtlipIEKq/?utm_source=ig_embed&ig_rid=7c0466c4-60ef-48be-9582-5f08bd2205df

शिखर धवन याचा एक व्हिडिओ व्हायरल होत आहे. यामध्ये तो सिंघम स्टाईलमध्ये गुंडांना मारताना दिसत आहे. टीव्हीवरील प्रसिद्ध मालिका ‘कुंडली भाग्य’ फेम अंजुम फकीह हिनेदेखील धवनसोबतचे काही फोटो शेअर केले आहेत. यामध्ये धवन पोलिसांच्या ड्रेसमध्ये दिसत आहे. त्याच्यासोबत अभिनेत्री आणि तिचा सहकलाकार अभिषेक कपूर (Abhishek Kapoor) हादेखील दिसत आहेत.

https://www.instagram.com/p/Cpu-b-BoprR/?utm_source=ig_embed&ig_rid=316fd4f3-b901-4e43-b4e2-f641ed0b5888

काय आहे धवनच्या पदार्पणामागील सत्य?
धवनच्या मालिकेतील पदार्पणाविषयी सुरू असलेल्या चर्चांवर अभिनेते अभिषेक कपूर याने स्पष्टीकरण दिले. तो म्हणाला की, “मला माहिती नाहीये की, ही अफवा कुठून सुरू झाल्या. मात्र, इंटरनेटवर सुरू असलेले हे वृत्त फक्त अफवा आहे. मी हे फोटो दोन आठवड्यांपूर्वी शेअर केले होते. आता अचानक शिखर धवन कुंडली भाग्यचा भाग बनण्याच्या चर्चा रंगल्या.”

यावरून स्पष्ट होते की, शिखर धवन ‘कुंडली भाग्य’ (Kundali Bhagya) मालिकेचा भाग नाहीये. खरं तर, अभिषेकने असेही सांगितले की, धवन त्याच्या प्रोजेक्टशी संबंधित कामासाठी स्टुडिओत आला होता. विशेष म्हणजे, धवन 31 मार्चपासून सुरू होणाऱ्या आयपीएल 2023 स्पर्धेत खेळताना दिसणार आहे. तो पंजाब किंग्स संघाचा कर्णधार आहे. (cricketer shikhar dhawan acting debut on tv serial video goes viral looking singham style)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
भारताचा दारुण पराभव होताच दिग्गजाच्या विधानाने खळबळ; म्हणाला, ‘टीम इंडियाला रस्त्यासारख्या सपाट…’
आयपीएल 2023पूर्वी KKRला धक्क्यावर धक्के! कॅप्टन अय्यरनंतर ‘हा’ वेगवान गोलंदाजही दुखापतग्रस्त